| ᠠᠷᠪᠡᠨ ᠰᠠᠷᠠ ᠶᠢᠨ ᠬᠤᠪᠢᠰᠬᠠᠯ ᠪᠤᠯᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠲᠦᠷᠪᠡᠨ ᠤ ᠬᠦᠳᠡᠯᠬᠡᠬᠡᠨ ᠤ ᠠᠬᠢᠭᠤᠯᠤᠯ ᠢᠶᠠᠷ᠂ ᠹᠷᠠᠨᠼᠢ ᠳᠤ ᠤᠴᠢᠵᠤ ᠠᠵᠢᠯᠴᠢ ᠠᠷᠪᠢᠴᠢ | ᠪᠠᠷ ᠰᠤᠷᠤᠯᠴᠠᠬᠤ ᠦᠷᠨᠢᠯᠳᠠ ᠠᠭᠠᠵᠢᠮ ᠢᠶᠠᠷ ᠪᠤᠢ ᠪᠤᠯᠪᠠ᠃ 1919 ᠤᠨ ᠤ 7 ᠰᠠᠷᠠ ᠳᠤ᠂ ᠮᠠᠦ ᠽᠧ ᠳ᠋ᠦᠩ ᠪᠤᠯᠤᠨ ᠼᠠᠢ ᠾᠧ ᠰᠧᠨ ᠬᠤᠨᠠᠨ ᠤ ᠹᠷᠠᠨᠼᠢ | ᠳᠤ ᠤᠴᠢᠵᠤ ᠠᠵᠢᠯᠴᠢ ᠠᠷᠪᠢᠴᠢ ᠪᠠᠷ ᠰᠤᠷᠤᠯᠴᠠᠬᠤ ᠬᠦᠳᠡᠯᠬᠡᠬᠡᠨ ᠢ ᠢᠳᠡᠪᠬᠢᠳᠠᠢ ᠰᠠᠨᠠᠭᠠᠴᠢᠯᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠪᠠ᠃ | ᠼᠠᠢ ᠾᠧ ᠰᠧᠨ ᠡᠵᠢ ᠭᠧ ᠵᠢᠶᠠᠨ ᠬᠤᠤ᠂ ᠦᠬᠢᠨ ᠲᠡᠬᠦᠦ ᠼᠠᠢ ᠴᠠᠩ ᠢᠶᠠᠨ ᠲᠡᠬᠦᠨ ᠲᠠᠢ ᠬᠠᠮᠳᠤ ᠹᠷᠠᠨᠼᠢ ᠳᠤ ᠤᠴᠢᠭᠠᠷᠠᠢ ᠬᠡᠵᠤ ᠵᠤᠷᠢᠭᠵᠢᠭᠤᠯᠪᠠ᠂ | ᠨᠢᠬᠡᠨᠳᠠ 55 ᠬᠦᠷᠦᠭᠰᠡᠨ ᠡᠵᠢ ᠨᠢ ᠠᠯᠤᠰ ᠲᠠᠯᠠᠢ ᠶᠢ ᠭᠠᠳᠤᠯᠬᠤ ᠲᠤᠬᠠᠢ ᠡᠷᠡᠬᠡᠯᠵᠡᠭᠡ ᠲᠠᠢ ᠪᠠᠶᠢᠯᠠ᠃ ᠼᠠᠢ ᠾᠧ ᠰᠧᠨ ᠡᠵᠢ ᠪᠠᠨ ᠬᠠᠮᠳᠤ ᠹᠠᠷᠠᠨᠽᠢ ᠳᠤ | ᠤᠴᠢᠬᠤ ᠶᠢ ᠵᠤᠷᠢᠭᠵᠢᠭᠤᠯᠤᠭᠰᠡᠨ ᠨᠢ᠂ ᠨᠢᠬᠡ ᠳᠤ᠂ ᠠᠷᠠᠳ ᠢᠷᠬᠡᠳ ᠤᠨ ᠤᠬᠠᠮᠰᠡᠷ ᠢ ᠬᠦᠭᠵᠢᠬᠡᠵᠤ᠂ ᠡᠮᠡᠭᠳᠠᠶᠢᠴᠤᠳ ᠢ ᠵᠡᠷᠬᠡ ᠪᠠᠷ ᠠᠯᠬᠤᠮ ᠲᠠᠪᠰᠢᠬᠤ ᠶᠢ | ᠵᠤᠷᠢᠭᠵᠢᠭᠤᠯᠬᠤ ᠶᠢᠨ ᠲᠦᠯᠦᠬᠡ ᠶᠤᠮ᠂ ᠬᠤᠶᠠᠷ ᠲᠤ᠂ ᠡᠷᠡᠰ ᠴᠢᠩᠭᠠ ᠵᠤᠷᠢᠭ ᠲᠠᠢ ᠡᠵᠢ ᠨᠢ ᠠᠯᠤᠰ ᠬᠤᠯᠠ ᠶᠢᠨ ᠶᠠᠳᠠᠷᠠᠯ ᠵᠦᠳᠡᠷᠡᠯ ᠵᠢᠴᠢ ᠬᠠᠷᠢ ᠤᠯᠤᠰ ᠲᠤ | ᠪᠠᠶᠢᠭᠠ ᠬᠦᠴᠢᠷ ᠪᠡᠷᠬᠡᠰᠢᠶᠠᠯ ᠢ ᠢᠯᠡᠨ ᠲᠠᠪᠠᠵᠤ ᠴᠢᠳᠠᠨᠠ ᠬᠡᠳᠡᠭ ᠢ ᠲᠡᠷᠡ ᠬᠦᠨ ᠤᠶᠢᠯᠠᠭᠠᠨᠠ᠃ | 1919 ᠤᠨ ᠤ 12 ᠰᠠᠷᠠ ᠶᠢᠨ 25 ᠤ ᠡᠳᠦᠷ᠂ ᠱᠠᠩᠬᠠᠢ ᠶᠢᠨ ᠶᠠᠩ ᠱᠦ ᠫᠦ᠋ ᠭᠠᠷᠠᠮ ᠳᠤ ᠼᠠᠢ ᠾᠧ ᠰᠧᠨ᠂ ᠡᠵᠢ ᠪᠠ ᠦᠬᠢᠨ ᠲᠡᠬᠦᠦ ᠲᠠᠢ ᠪᠠᠨ | ᠬᠠᠮᠳᠤ ᠹᠷᠠᠨᠼᠢ ᠶᠢᠨ ᠰᠢᠤᠳᠠᠨ ᠤ ᠤᠩᠭᠤᠴᠠᠨ ᠳᠤ ᠭᠠᠷᠪᠠ᠂ ᠬᠠᠮᠳᠤ ᠶᠠᠪᠤᠭᠠ ᠨᠢ ᠪᠠᠰᠠ ᠹᠷᠠᠨᠼᠢ ᠳᠤ ᠠᠵᠢᠯᠴᠢ ᠠᠷᠪᠢᠴᠢ ᠪᠠᠷ ᠰᠤᠷᠤᠯᠴᠠᠵᠤ ᠪᠠᠶᠢᠭᠰᠡᠨ 30 | ᠭᠠᠷᠤᠢ ᠰᠤᠷᠤᠭᠴᠢ ᠪᠠᠶᠢᠪᠠ᠃ ᠪᠦᠬᠦᠯᠢ 35 ᠡᠳᠦᠷ ᠲᠠᠯᠠᠢ ᠲᠡᠬᠡᠷᠡ ᠰᠠᠵᠢᠯᠠᠬᠤ ᠪᠠᠷ ᠲᠡᠮᠵᠢᠨ ᠲᠡᠳᠠ ᠡᠴᠤᠰ ᠲᠡᠭᠡᠨ ᠹᠠᠷᠠᠨᠽᠢ ᠳᠤ ᠬᠦᠷᠪᠠ᠃ | ᠹᠠᠷᠠᠨᠽᠢ ᠬᠡᠯᠡ ᠰᠤᠷᠬᠤ ᠶᠢᠨ ᠲᠦᠯᠦᠬᠡ ᠼᠠᠢ ᠾᠧ ᠰᠧᠨ ᠡᠷᠡᠭᠳᠠᠢ ᠶᠢᠨ ᠠᠯᠪᠡᠨ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠤ᠂ ᠭᠧ ᠵᠢᠶᠠᠨ ᠬᠤᠤ᠂ ᠼᠠᠢ ᠴᠠᠩ᠂ | ᠰᠢᠶᠠᠩ ᠵᠢᠩ ᠢᠦᠢ ᠬᠠᠮᠳᠤ ᠪᠠᠷ ᠡᠮᠡᠭᠳᠠᠢ ᠶᠢᠨ ᠠᠯᠪᠡᠨ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠪᠠ᠃ ᠤᠳᠠᠭᠠ ᠪᠦᠷᠢ ᠤᠩᠰᠢᠵᠤ ᠲᠡᠶᠢᠯᠬᠦ ᠦᠬᠡᠢ ᠹᠠᠷᠠᠨᠽᠢ ᠬᠡᠯᠡᠨ ᠤ ᠲᠠᠩ | ᠦᠬᠡᠰ ᠲᠤᠬᠢᠶᠠᠯᠳᠤᠬᠤ ᠦᠶᠠ ᠳᠤ ᠭᠧ ᠵᠢᠶᠠᠨ ᠬᠤᠤ ᠦᠷᠠ ᠬᠡᠤᠬᠡᠳ ᠢᠶᠠᠷ ᠢᠶᠠᠨ ᠬᠠᠪᠰᠤᠷᠤᠨ ᠵᠢᠯᠤᠭᠤᠳᠤᠭᠤᠯᠵᠤ᠂ ᠡᠴᠤᠰ ᠲᠡᠭᠡᠨ ᠬᠡᠯᠡᠨ ᠤ ᠪᠤᠭᠤᠮᠳᠠ ᠶᠢ | ᠲᠠᠪᠠᠪᠠ᠃ ᠼᠠᠢ ᠾᠧ ᠰᠧᠨ ᠡᠵᠢ ᠳᠡᠭᠡᠨ᠂ ᠹᠠᠷᠠᠨᠽᠢ ᠶᠢᠨ ᠠᠷᠠᠳ ᠲᠦᠮᠡᠨ ᠲᠤᠮᠳᠠᠳᠤ ᠤᠯᠤᠰ ᠤᠨ ᠬᠤᠨᠠᠨ ᠤ ᠬᠠᠳᠬᠤᠮᠠᠯ ᠢ ᠪᠠᠭ᠋ᠠᠷᠬᠠᠳᠠᠭ ᠬᠡᠵᠤ ᠬᠡᠯᠡᠵᠤ | ᠦᠭᠬᠦᠭᠰᠡᠨ ᠳᠤ ᠡᠨᠡ ᠬᠦ ᠪᠠᠶᠠᠰᠤᠩᠭᠤᠢ ᠬᠤᠪᠢᠰᠬᠠᠯᠴᠢ ᠡᠵᠢ ᠡᠳᠦᠷ ᠲᠡᠭᠡᠨ ᠬᠢᠴᠢᠶᠠᠯ ᠤᠷᠤᠵᠤ᠂ ᠤᠷᠤᠢ ᠳᠠᠭᠠᠨ ᠴᠠᠭ ᠢ ᠠᠮᠵᠢᠨ ᠬᠠᠳᠬᠤᠮᠠᠯ ᠬᠠᠳᠬᠤᠵᠤ᠂ | ᠰᠤᠯᠢᠵᠤ ᠠᠪᠴᠢᠷᠠᠭᠰᠡᠨ ᠵᠤᠭᠤᠰ ᠢᠶᠠᠷ ᠢᠶᠠᠨ ᠬᠡᠷ ᠤᠨ ᠵᠠᠷᠤᠳᠠᠯ ᠢᠶᠠᠨ ᠨᠦᠬᠦᠪᠦᠷᠢᠯᠡᠵᠤ᠂ ᠦᠷᠠ ᠬᠡᠤᠬᠡᠳ ᠤᠨ ᠢᠶᠠᠨ ᠬᠡᠪ ᠵᠠᠷᠤᠯᠭᠠ ᠶᠢ ᠬᠠᠩᠭᠠᠬᠤ ᠠᠴᠠ | ᠭᠠᠳᠠᠨᠠ ᠪᠠᠰᠠ ᠦᠯᠡᠳᠡᠭᠰᠡᠨ ᠵᠤᠭᠤᠰ ᠢᠶᠠᠷ ᠢᠶᠠᠨ ᠪᠤᠰᠤᠳ ᠢ ᠲᠤᠰᠠᠯᠠᠳᠠᠭ ᠪᠠᠶᠢᠪᠠ᠃ | ᠡᠵᠢ ᠶᠢᠨ ᠢᠶᠠᠨ ᠨᠠᠷᠢᠨ ᠨᠢᠮᠪᠠᠢ ᠬᠠᠷᠠᠭᠠᠯᠵᠠᠯ ᠲᠤᠤᠷᠠ᠂ ᠼᠠᠢ ᠾᠧ ᠰᠧᠨ ᠮᠠᠷᠺᠰ ᠤᠨ ᠦᠵᠡᠯ ᠤᠨ ᠰᠤᠩᠭᠤᠳᠠᠭ ᠵᠤᠬᠢᠶᠠᠯ ᠢ ᠨᠢᠬᠡ ᠰᠡᠳᠬᠢᠯ ᠨᠢᠬᠡ ᠵᠤᠷᠢᠭ | ᠢᠶᠠᠷ ᠤᠷᠴᠢᠭᠤᠯᠪᠠ᠂ ᠬᠠᠭᠠᠰ ᠵᠢᠯ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠲᠡᠷᠡ ︽ᠡᠪ ᠬᠠᠮᠳᠤ ᠨᠠᠮ ᠤᠨ ᠲᠤᠩᠬᠠᠭ︾᠂ ︽ᠨᠡᠶᠢᠬᠡᠮ ᠵᠢᠷᠤᠮ ᠬᠡᠢ ᠬᠦᠰᠡᠯ ᠠᠴᠠ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠤᠯᠵᠤ ᠬᠦᠭᠵᠢᠪᠠ︾᠂ ︽ᠡᠪ ᠬᠠᠮᠳᠤ ᠶᠤᠰᠤᠨ ᠤ ᠬᠦᠳᠡᠯᠬᠡᠬᠡᠨ ᠲᠤᠮᠳᠠᠬᠢ ︿ᠵᠡᠬᠦᠨ﹀ ᠤ ᠨᠢᠯᠬᠠᠰᠠᠭ ᠡᠪᠡᠳᠴᠢᠨ︾ ᠵᠡᠷᠬᠡ ᠪᠦᠳᠦᠬᠡᠯ ᠢ | ᠤᠷᠴᠢᠭᠤᠯᠪᠠ᠃ ᠦᠷᠠ ᠬᠡᠤᠬᠡᠳ ᠤᠨ ᠨᠦᠯᠦᠬᠡ ᠪᠠᠷ ᠭᠧ ᠵᠢᠶᠠᠨ ᠬᠤᠤ ᠮᠠᠷᠺᠰ ᠤᠨ ᠦᠵᠡᠯ ᠢ ᠮᠠᠰᠢ ᠲᠦᠷᠬᠡᠨ ᠬᠦᠯᠢᠶᠠᠨ ᠠᠪᠤᠪᠠ᠃ | 1921 ᠤᠨ ᠳᠤ᠂ ᠼᠠᠢ ᠾᠧ ᠰᠧᠨ᠂ ᠰᠢᠶᠠᠩ ᠵᠢᠢ ᠢᠦᠢ ᠤᠷᠢᠳ ᠬᠤᠵᠢᠳ ᠤᠯᠤᠰ ᠲᠠᠭᠠᠨ ᠪᠤᠴᠠᠵᠤ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠳᠤ ᠨᠠᠮ | ᠤᠨ ᠲᠦᠪ ᠬᠤᠷᠢᠶᠠᠨ ᠤ ᠤᠳᠤᠷᠢᠳᠬᠤ ᠠᠵᠢᠯ ᠳᠤ ᠤᠷᠤᠯᠴᠠᠪᠠ᠃ ᠭᠧ ᠵᠢᠶᠠᠨ ᠬᠤᠤ ᠹᠠᠷᠠᠨᠽᠢ ᠳᠤ ᠦᠯᠡᠳᠡᠵᠤ ᠠᠵᠢᠯᠴᠢ ᠠᠷᠪᠢᠴᠢ ᠪᠠᠷ ᠰᠤᠷᠤᠯᠴᠠᠬᠤ ᠶᠢᠨ | ᠬᠠᠮᠳᠤ ᠬᠤᠪᠢᠰᠬᠠᠯ ᠤᠨ ᠠᠵᠢᠯᠯᠠᠭᠠ ᠳᠤ ᠢᠳᠡᠪᠬᠢᠳᠠᠢ ᠤᠷᠤᠯᠴᠠᠵᠤ᠂ ᠬᠤᠶᠠᠷ ᠵᠢᠯ ᠤᠨ ᠲᠠᠷᠠᠭᠠ ᠰᠠᠶ᠋ᠢ ᠤᠯᠤᠰ ᠲᠠᠭᠠᠨ ᠪᠤᠴᠠᠵᠠᠢ᠃ | 1919 ᠤᠨ ᠠᠴᠠ 1920 ᠤᠨ ᠪᠤᠯᠳᠠᠯᠠ᠂ ᠹᠠᠷᠠᠨᠽᠢ ᠳᠤ ᠠᠵᠢᠯᠴᠢ ᠠᠷᠪᠢᠴᠢ ᠪᠠᠷ ᠰᠤᠷᠤᠯᠴᠠᠵᠤ ᠪᠠᠶᠢᠭᠰᠡᠨ ᠪᠦᠬᠦ ᠤᠯᠤᠰ ᠤᠨ ᠵᠠᠯᠠᠭᠤᠴᠤᠳ | 1600 ᠭᠠᠷᠤᠢ ᠪᠤᠯᠤᠭᠰᠡᠨ ᠶᠤᠮ᠂ ᠬᠡᠪᠡᠴᠦ ᠬᠤᠪᠢᠰᠬᠠᠯᠳᠤ ᠡᠵᠢ ᠭᠧ ᠵᠢᠶᠠᠨ ᠬᠤᠤ ᠨᠢ ᠬᠠᠷᠢᠨ ᠲᠠᠯᠠᠬᠡᠢ ᠳ᠋ᠠᠬᠢᠨ ᠤ ᠠᠩᠬᠠᠷᠤᠯ ᠢ ᠢᠯᠡᠬᠦᠦ ᠲᠠᠳᠠᠵᠠᠢ᠃ ᠬᠤᠨᠠᠨ | ᠤ ︽ᠳ᠋ᠠᠬᠦ᠋ᠩ ᠰᠤᠨᠢᠨ︾ ᠹᠠᠷᠠᠨᠽᠢ ᠳᠤ ᠠᠵᠢᠯᠴᠢ ᠠᠷᠪᠢᠴᠢ ᠪᠠᠷ ᠰᠤᠷᠤᠯᠴᠠᠭᠰᠡᠨ ᠲᠤᠬᠠᠢ ᠮᠡᠳᠡᠬᠡᠯᠡᠯ ᠳᠡᠭᠡᠨ᠄ ︽ᠬᠠᠮᠤᠭ ᠤᠨ ᠪᠢᠰᠢᠷᠡᠳᠡᠭ ᠨᠢ ᠬᠠᠰᠢᠯᠠ ᠬᠤᠶᠠᠷ | ᠬᠦᠮᠦᠨ᠂ ᠨᠢᠬᠡ ᠨᠢ ᠰᠢᠦᠢ ᠤᠪᠤᠭᠳᠤ ᠮᠤᠤ ᠰᠢᠶᠦ᠋ᠨ ︵ᠰᠢᠦᠢ ᠲᠧ ᠯᠢ︶᠂ ᠨᠢᠬᠡ ᠨᠢ ᠼᠠᠢ ᠤᠪᠤᠭᠳᠤ ᠾᠧ ᠰᠧᠨ ᠤ ᠡᠵᠢ ᠪᠤᠯᠤᠨᠠ᠃ ᠰᠡᠬᠦᠯᠡᠷ ᠨᠢ ᠼᠠᠢ | ᠴᠠᠩ ᠡᠵᠢ ᠶᠢᠨ ᠹᠠᠷᠠᠨᠽᠢ ᠳᠤ ᠤᠴᠢᠵᠤ ᠠᠵᠢᠯᠴᠢ ᠠᠷᠪᠢᠴᠢ ᠪᠠᠷ ᠰᠤᠷᠤᠯᠴᠠᠬᠤ ᠦᠶᠠ ᠶᠢᠨ ᠲᠤᠬᠠᠢ ᠶᠠᠷᠢᠵᠤ ᠡᠨᠡ ᠪᠤᠯ ᠲᠡᠯᠡᠬᠡᠢ ᠳ᠋ᠡᠬᠢᠨ ᠢ ᠰᠤᠴᠢᠭᠠᠭᠰᠡᠨ | ᠠᠵᠢᠯᠯᠠᠭᠠ ᠮᠦᠨ᠂ ᠭᠧ ᠵᠢᠶᠠᠨ ᠬᠤᠤ ᠨᠠᠰᠤᠳᠠᠨ ᠤ ᠪᠠᠭᠠᠳᠤᠷᠯᠢᠭ ᠲᠦᠷᠢ ᠲᠦᠷᠬᠦ ᠨᠢ ᠨᠡᠯᠢᠶᠡᠳ ᠤᠷᠳᠤ ᠬᠤᠭᠤᠴᠠᠭᠠᠨ ᠳᠤ ᠮᠠᠨ ᠤ ᠵᠠᠯᠠᠭᠤ ᠨᠢᠬᠡ ᠦᠶᠠ ᠶᠢᠨ | ᠬᠢᠨ ᠢ ᠵᠤᠷᠢᠭᠵᠢᠭᠤᠯᠤᠨ ᠰᠢᠷᠭᠠᠭᠤ ᠬᠠᠳᠠᠭᠤᠵᠢᠯᠳᠠᠢ ᠲᠡᠮᠡᠴᠡᠬᠦ ᠲᠠᠭᠤᠷᠢᠶᠠᠯ ᠪᠤᠯᠵᠠᠢ︾ ᠬᠡᠪᠠ᠃ |