| ᠴᠠᠭᠠᠨᠪᠤᠯᠤᠳ ︵—1923 ᠤᠨ︶᠂ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ᠂ ᠶᠡᠭᠡ ᠵᠣᠣ ᠶᠢᠨ ᠴᠢᠭᠤᠯᠭᠠᠨ ᠤ ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠴᠠᠭᠠᠨ ᠲᠣᠬᠤᠢ ︵ | ᠡᠳᠦᠭᠡ ᠶᠢᠨ ᠶᠦᠩ ᠱᠧᠩ ᠰᠢᠶᠠᠩ︶ ᠳᠤ ᠲᠦᠷᠦᠵᠦ ᠦᠰᠪᠡ᠃ ᠲᠡᠷᠡ ᠡᠩ ᠤᠨ ᠮᠠᠯᠴᠢᠨ ᠪᠤᠯᠪᠠᠴᠤ ᠪᠢᠴᠢᠭ ᠡᠷᠳᠡᠮ ᠰᠣᠷᠣᠯᠴᠠᠬᠤ ᠳᠤᠷᠠ ᠲᠠᠢ ᠰᠡᠴᠡᠨ | ᠰᠡᠷᠭᠦᠯᠡᠩ ᠬᠦᠮᠦᠨ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠬᠤᠰᠢᠭᠤ ᠶᠠᠮᠤᠨ ᠤ ᠪᠢᠴᠢᠭᠡᠴᠢ ᠪᠤᠯᠵᠤ᠂ ᠰᠡᠭᠦᠯᠡᠷ ᠨᠢ ᠵᠠᠯᠠᠨ ᠵᠠᠩᠭᠢ ᠶᠢᠨ ᠳᠣᠰᠢᠶᠠᠯ ᠢ ᠡᠭᠦᠷᠭᠡᠯᠡᠵᠦ ᠪᠠᠶᠢᠵᠠᠢ᠃ | ᠴᠠᠭᠠᠪᠣᠯᠣᠳ ᠠᠨᠳᠠ ᠨᠦᠬᠦᠳ ᠲᠡᠭᠡᠨ ᠡᠶᠡᠯᠳᠡᠭ ᠲᠤᠳᠤᠨᠤ᠂ ᠬᠠᠷᠭᠢᠰ ᠵᠠᠯᠢᠬᠠᠢ ᠶᠢ ᠦᠵᠡᠵᠦ ᠴᠢᠳᠠᠬᠤ ᠦᠭᠡᠢ ᠰᠢᠯᠣᠭᠤᠨ ᠰᠢᠳᠣᠷᠭᠤ ᠬᠦᠮᠦᠨ ᠪᠠᠶᠢᠭᠰᠠᠨ ᠲᠣᠯᠠ | ᠵᠠᠯᠠᠨ ᠵᠠᠩᠭᠢ ᠶᠢᠨ ᠲᠣᠰᠢᠶᠠᠯ ᠳᠤ ᠭᠠᠷᠣᠭᠰᠠᠨ ᠤ ᠳᠠᠷᠠᠭᠠ᠂ ᠣᠯᠠᠩᠭᠢ ᠶᠠᠪᠤᠳᠠᠯ ᠳᠤ ᠠᠷᠠᠳ ᠲᠦᠮᠡᠨ ᠤ ᠲᠠᠯᠠ ᠳᠤ ᠵᠣᠭᠰᠤᠨ ᠲᠦᠪ ᠭᠤᠣᠯᠴᠢ ᠪᠠᠷ | ᠰᠢᠢᠳᠪᠦᠷᠢᠯᠡᠳᠡᠭ ᠲᠣᠯᠠ ᠮᠠᠯᠴᠢᠳ ᠤᠨ ᠬᠦᠷᠢᠶᠡᠯᠡᠯ ᠢ ᠣᠯᠣᠭᠰᠠᠨ ᠪᠠᠶᠢᠪᠠ᠃ | 1903 ᠤᠨ ᠳᠤ᠂ ᠠᠲᠠᠷ ᠨᠡᠬᠡᠬᠡᠨ ᠬᠠᠮᠢᠶᠠᠷᠬᠤ ᠭᠠᠵᠠᠷ ᠤᠨ ᠬᠢᠨ ᠬᠠᠩᠬᠠ ᠶᠢᠨ ᠭᠤᠷᠪᠠᠨ ᠪᠠᠭ ᠤᠨ ᠭᠠᠵᠠᠷ ᠢ ᠳᠡᠭᠡᠰᠦᠯᠡᠨ ᠬᠡᠮᠵᠢᠵᠦ ᠡᠬᠢᠯᠡᠭᠰᠡᠨ ᠳᠤ | ᠴᠠᠭᠠᠪᠤᠯᠤᠳ ᠣᠶᠢᠷᠠ ᠤᠷᠴᠢᠮ ᠤᠨ ᠮᠠᠯᠴᠢᠳ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠣ ᠳᠣᠭᠤᠢ ᠳᠣᠭᠤᠶᠢᠯᠠᠨ᠂ ᠠᠲᠠᠷ ᠬᠠᠭᠠᠯᠪᠤᠷᠢᠯᠠᠬᠤ ᠶᠢ ᠡᠰᠡᠷᠭᠦᠴᠡᠬᠦ ᠲᠡᠮᠡᠴᠡᠯ ᠦᠷᠨᠢᠭᠦᠯᠪᠡ᠃ | 1904 ᠣᠨ ᠤ ᠡᠪᠦᠯ ᠠᠴᠠ 1905 ᠣᠨ ᠤ ᠡᠬᠢ ᠬᠦᠷᠲᠡᠯᠡ ᠪᠦᠬᠦ ᠬᠠᠩᠭᠢᠨ ᠬᠤᠰᠢᠭᠤᠨ ᠳᠤ ᠠᠷᠪᠠᠨ ᠭᠤᠷᠪᠠᠨ ᠳᠣᠭᠤᠶᠢᠯᠠᠩ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ᠂ | ᠬᠠᠩᠬᠠ ᠶᠢᠨ ᠭᠤᠷᠪᠠᠨ ᠪᠠᠭ ᠤᠨ ᠭᠠᠵᠠᠷ ᠢ ᠲᠠᠯᠪᠢᠭᠰᠠᠨ ᠪᠠ ᠬᠠᠷᠠ ᠮᠠᠩᠨᠠᠢ ᠶᠢᠨ ᠲᠠᠪᠣᠰᠣᠨ ᠨᠠᠭᠤᠷ ᠢ ᠰᠠᠶᠢᠨᠳᠣᠷᠠ ᠶᠢᠨ ᠳ᠋ᠦᠩ ᠣᠪᠣᠭᠲᠠᠨ ᠳᠤ ᠬᠤᠳᠠᠯᠳᠣᠭᠰᠠᠨ | ᠶᠠᠪᠣᠳᠠᠯ ᠳᠤ ᠡᠰᠡᠷᠭᠦᠴᠡᠯ ᠭᠠᠷᠭᠠᠨ ᠭᠤᠮᠣᠳᠠᠯ ᠵᠠᠭᠠᠯᠳᠣᠯᠭᠠ ᠪᠠᠨ ᠪᠢᠴᠢᠭᠯᠡᠨ ᠮᠡᠳᠡᠭᠦᠯᠬᠦ ᠶᠢᠨ ᠵᠡᠷᠭᠡᠴᠡᠪᠡᠷ ᠴᠠᠭᠠᠨᠪᠤᠯᠤᠳ᠂ ᠰᠣᠬᠤᠷ ᠰᠠᠩᠵᠠᠢ᠂ ᠨᠠᠰᠣᠨᠴᠤᠭ ᠨᠠᠷ | ᠤᠨ ᠠᠷᠪᠠᠨ ᠭᠤᠷᠪᠠᠨ ᠳᠣᠭᠤᠶᠢᠯᠠᠩ ᠪᠦᠯᠬᠦᠮᠳᠡᠨ ᠨᠢᠭᠡᠳᠴᠦ ᠵᠡᠪᠰᠡᠭ ᠠᠳᠬᠤᠨ ᠴᠢᠩ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠵᠡᠪᠰᠡᠭᠲᠦ ᠳᠠᠷᠣᠩᠭᠤᠶᠢᠯᠠᠯ ᠢ ᠡᠰᠡᠷᠭᠦᠴᠡᠭᠰᠡᠨ | ᠪᠠᠶᠢᠨᠠ᠃ | 1907 ᠤᠨ ᠤ 8 ᠰᠠᠷᠠ ᠶᠢᠨ 28 ᠤ ᠡᠳᠦᠷ᠂ ᠴᠠᠭᠠᠨᠪᠣᠯᠣᠳ ᠵᠡᠷᠭᠡ 300 ᠭᠠᠷᠣᠢ ᠳᠣᠭᠤᠶᠢᠯᠠᠩ ᠤᠨ ᠠᠷᠠᠳ᠂ ᠬᠤᠷᠢᠮ ᠢᠳᠡᠵᠦ ᠪᠠᠶᠢᠭᠰᠠᠨ ᠭᠤᠮᠪᠤ | ᠮᠠᠶᠢᠷᠢᠨ ᠪᠤᠯᠤᠨ ᠬᠦᠪᠡᠭᠦᠨ ᠷᠢᠨᠴᠢᠨᠰᠠᠶᠢᠪᠠᠯ ᠬᠤᠶᠠᠭᠤᠯᠠ ᠶᠢ ᠪᠠᠷᠢᠵᠤ ᠠᠪᠣᠭᠠᠳ ᠠᠶᠢᠯ ᠳᠠᠷᠠᠭᠠᠯᠠᠨ ᠲᠡᠮᠡᠴᠡᠭᠰᠡᠨ ᠤ ᠬᠠᠮᠲᠤ ᠠᠪᠣᠷᠠᠬᠤ ᠪᠠᠷ ᠢᠷᠡᠭᠰᠡᠨ ᠠᠲᠠᠷ | ᠬᠠᠭᠠᠯᠪᠤᠷᠢᠯᠠᠬᠤ ᠳᠣᠪᠴᠢᠶᠠᠨ ᠤ ᠬᠡᠲᠦᠨ ᠵᠠᠭᠤᠨ ᠴᠡᠷᠢᠭ ᠢ ᠴᠣᠬᠢᠨ ᠣᠬᠤᠷᠢᠭᠤᠯᠪᠠ᠃ 1908 ᠤᠨ ᠳᠤ᠂ ᠬᠠᠩᠭᠢᠨ ᠳᠠᠯᠠᠳ ᠤᠨ ᠳᠣᠭᠤᠶᠢᠯᠠᠩ ᠤᠨ ᠠᠷᠠᠳ | 1000 ᠬᠦᠮᠦᠨ ᠪᠠᠨᠴᠢᠨ ᠵᠤᠤ ᠶᠢᠨ ᠰᠦᠮᠡ ᠳᠡᠭᠡᠷᠡ ᠴᠤᠭᠯᠠᠷᠠᠨ᠂ ᠪᠠᠨᠴᠢᠨ ᠵᠤᠤ ᠶᠢᠨ ᠣᠷᠴᠢᠮ ᠪᠠᠶᠢᠭᠰᠠᠨ ᠠᠲᠠᠷ ᠬᠠᠭᠠᠯᠪᠤᠷᠢᠯᠠᠬᠤ ᠳᠣᠪᠴᠢᠶᠠᠨ ᠤ ᠵᠡᠪᠰᠡᠭᠲᠦ | ᠠᠯᠪᠠᠲᠠᠨ ᠢ ᠦᠯᠳᠡᠨ ᠶᠠᠪᠤᠭᠤᠯᠪᠠ᠃ 1910 — 1912 ᠣᠨ ᠤ ᠦᠶᠡᠰ᠂ ᠴᠠᠭᠠᠨᠪᠤᠯᠤᠳ ᠵᠠᠰᠠᠭ ᠬᠤᠰᠢᠭᠤᠨ ᠠᠴᠠ ᠬᠠᠩᠭᠢᠨ ᠬᠤᠰᠢᠭᠤᠨ ᠳᠤ ᠢᠷᠡᠭᠰᠡᠨ | ᠸᠠᠩᠳᠠᠨᠨᠢᠮᠠ ᠲᠠᠢ ᠬᠤᠯᠪᠣᠭᠠᠯᠠᠨ ᠠᠷᠠᠳ ᠤᠨ ᠳᠣᠭᠤᠶᠢᠯᠠᠩ ᠤᠨ ᠵᠡᠪᠰᠡᠭᠲᠦ ᠬᠦᠴᠦᠨ ᠢᠶᠠᠨ ᠨᠢᠭᠡᠳᠭᠡᠨ᠂ ᠬᠠᠲᠣᠨ ᠭᠤᠣᠯ ᠤᠨ ᠬᠦᠪᠡᠭᠡ ᠰᠠᠪᠠ ᠭᠠᠵᠠᠷ ᠪᠤᠯᠤᠨ | ᠠᠯᠠᠱᠠᠨ ᠤ ᠵᠡᠭᠦᠨ ᠪᠡᠶᠡ ᠶᠢᠨ ᠭᠠᠵᠠᠷ ᠬᠦᠷᠲᠡᠯᠡ ᠵᠡᠪᠰᠡᠭᠲᠦ ᠲᠡᠮᠡᠴᠡᠯ ᠶᠠᠪᠤᠭᠤᠯᠵᠤ ᠪᠠᠶᠢᠵᠠᠢ᠃ | 1913 ᠤᠨ ᠤ 7 ᠰᠠᠷᠠ ︵ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠠ︶ ᠶᠢᠨ ᠨᠢᠭᠡᠨ ᠡᠳᠦᠷ᠂ ᠠᠯᠠᠱᠠ᠂ ᠨᠢᠩᠰᠢᠶᠠ ᠶᠢᠨ ᠨᠣᠶᠠᠳ ᠨᠡᠷᠡ | ᠬᠤᠯᠪᠣᠭᠠᠯᠠᠨ ᠣᠷᠢᠯᠭᠠ ᠶᠢᠨ ᠪᠢᠴᠢᠭ ᠢᠷᠡᠭᠦᠯᠦᠨ᠂ ᠬᠠᠲᠤᠨ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠠᠬᠢ ᠭᠡᠭᠡᠨ ᠲᠣᠬᠤᠢ ᠶᠢᠨ ᠬᠤᠢ ᠳ᠋ᠧ ᠴᠧᠩ ᠭᠡᠮᠡᠬᠦ ᠭᠠᠵᠠᠷ ᠤᠨ ᠨᠢᠭᠡᠨ | ᠬᠦᠯᠭᠡ ᠣᠩᠭᠤᠴᠠᠨ ᠳᠡᠭᠡᠷᠡ ᠸᠠᠩᠳᠠᠨᠨᠢᠮᠠ ᠪᠤᠯᠤᠨ ᠬᠤᠶᠠᠷ ᠳᠠᠭᠠᠯ ᠴᠡᠷᠢᠭ ᠲᠠᠢ ᠴᠠᠭᠠᠪᠣᠯᠣᠳ ᠵᠡᠷᠭᠡ 7 ᠬᠦᠮᠦᠨ ᠢ ᠬᠠᠭᠤᠷᠣᠨ ᠪᠠᠷᠢᠪᠴᠢᠯᠠᠪᠠ᠃ ᠪᠤᠰᠤᠳ | ᠴᠡᠷᠢᠭ ᠬᠠᠲᠣᠨ ᠭᠤᠣᠯ ᠤᠨ ᠬᠦᠪᠡᠭᠡ ᠲᠠᠭᠠᠨ ᠸᠠᠩᠳᠠᠨᠨᠢᠮᠠ ᠶᠢ ᠠᠪᠣᠷᠠᠬᠤ ᠪᠠᠷ ᠣᠩᠭᠤᠴᠠ ᠶᠢ ᠨᠡᠭᠡᠵᠦ ᠪᠠᠶᠢᠯᠳᠣᠬᠤ ᠳᠣᠮᠲᠠ ᠬᠦᠴᠦᠨ ᠮᠡᠭᠦᠰᠲᠡᠵᠦ ᠠᠪᠣᠷᠠᠵᠣ | ᠴᠢᠳᠠᠭᠰᠠᠨ ᠦᠭᠡᠢ᠃ ᠳᠡᠳᠡᠨ ᠢ ᠰᠦᠢᠶᠤᠸᠠᠨ ᠳᠤ ᠬᠦᠷᠭᠡᠭᠰᠡᠨ ᠤ ᠳᠠᠷᠠᠭᠠ᠂ ᠸᠠᠩᠳᠠᠨᠨᠢᠮᠠ ᠶᠢ ᠪᠡᠭᠡᠵᠢᠩ ᠳᠤ ᠬᠦᠷᠭᠡᠵᠦ᠂ ᠴᠠᠭᠠᠨᠪᠤᠯᠤᠳ ᠵᠡᠷᠭᠡ ᠪᠣᠰᠣᠳ 6 | ᠬᠦᠮᠦᠨ ᠢ ᠦᠴᠢᠭᠯᠡᠨ ᠰᠢᠬᠠᠵᠤ ᠲᠠᠮᠣᠯᠠᠵᠣ ᠪᠠᠶᠢᠭᠠᠳ ᠱᠠᠨ ᠰᠢ ᠮᠣᠵᠢ ᠶᠢᠨ ᠲᠠᠶᠢᠶᠣᠸᠠᠨ ᠤ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠳᠤ ᠬᠠᠷᠠ ᠠᠵᠢᠯ ᠬᠢᠯᠭᠡᠪᠡ᠃ ᠴᠠᠭᠠᠨᠪᠣᠯᠣᠳ | ᠬᠠᠷᠠ ᠠᠵᠢᠯ ᠬᠢᠵᠦ ᠨᠢᠷᠣᠭᠤ ᠡᠪᠦᠳᠦᠭ ᠤᠨ ᠮᠢᠬᠠ ᠨᠢ ᠴᠦᠮ ᠴᠣᠭᠤᠷᠣᠨ᠂ ᠠᠷᠪᠠᠨ ᠵᠢᠯ ᠤᠨ ᠬᠠᠷᠠ ᠠᠵᠢᠯ ᠤᠨ ᠬᠠᠯᠠ ᠲᠠᠮᠤᠯᠠᠯ ᠢᠶᠠᠷ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ | ᠳᠤ ᠨᠠᠰᠣ ᠪᠠᠷᠠᠪᠠ᠃ |