| | ᠬᠤᠷᠠᠭᠠ ︵ — 1919 ᠤᠨ︶᠂ ᠮᠤᠩᠭᠤᠯ ᠦᠨᠳᠤᠰᠤᠳᠠᠨ᠂ ᠶᠡᠭᠡ ᠵᠤᠤ ᠶᠢᠨ ᠴᠢᠭᠤᠯᠭᠠᠨ ᠤ ᠲᠠᠯᠠᠳ ᠬᠤᠰᠢᠭᠤᠨ ᠤ ᠬᠦᠮᠦᠨ ᠪᠤᠯᠤᠨᠠ᠃ | 1913 ᠤᠨ ᠤ ᠨᠠᠮᠤᠷ ᠵᠡᠬᠦᠨ ᠮᠠᠶᠢᠷᠠᠨ ᠠᠶᠤᠷᠽᠠᠨᠠ ᠬᠢᠭᠡᠳ ᠬᠤᠷᠠᠭᠠ ᠨᠠᠷ ᠲᠤᠭᠤᠶᠢᠯᠠᠩ ᠪᠠᠶᠢᠭᠤᠯᠤᠨ ᠵᠠᠰᠠᠭ ᠨᠤᠶᠠᠨ ᠰᠦᠮᠪᠤᠷᠪᠡᠳᠤ ᠶᠢᠨ ᠬᠠᠷᠭᠢᠰ | ᠨᠤᠶᠠᠷᠬᠠᠯ ᠢ ᠡᠰᠡᠷᠬᠦᠴᠡᠬᠦ ᠪᠠᠷ ᠲᠤᠭᠳᠠᠭᠠᠳ ᠲᠠᠯᠠᠳ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠭᠡᠰᠡᠭ ᠤᠨ 3 ᠰᠤᠮᠤ ᠶᠢ 5 ᠤᠷᠤᠨ ᠬᠤᠪᠢᠶᠠᠵᠤ ᠠᠷᠠᠳ ᠲᠦᠮᠡᠨ ᠢ ᠲᠠᠶᠢᠴᠢᠯᠠᠨ | ᠤᠬᠠᠭᠤᠯᠤᠭᠰᠠᠨ ᠳᠤ ᠠᠷᠠᠳ ᠤᠯᠠᠨ ᠰᠠᠶᠢᠨ ᠲᠤᠷᠠ ᠠᠴᠠ ᠪᠠᠨ ᠠᠷᠠᠳ ᠤᠨ ᠲᠤᠭᠤᠶᠢᠯᠠᠩ ᠳᠤ ᠢᠳᠠᠪᠬᠢᠳᠡᠢ ᠤᠷᠤᠯᠴᠠᠵᠠᠭᠠᠪᠠ᠃ 1915 ᠤᠨ ᠤ 1 ᠰᠠᠷᠠ | ᠳᠤ᠂ ᠲᠠᠯᠠᠳ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠲᠤᠭᠤᠶᠢᠯᠠᠩ ᠤᠨ ᠬᠢᠨ ᠪᠤᠰᠤᠯᠭᠠ ᠭᠠᠷᠭᠠᠬᠤ ᠪᠠᠷ ᠨᠡᠶᠢᠳᠡᠯᠡᠬᠦ ᠦᠶᠡ ᠳᠤ 2500 ᠡᠷᠦᠭᠡ ᠲᠤᠭᠤᠶᠢᠯᠠᠩ ᠳᠤ | ᠤᠷᠤᠯᠴᠠᠭᠰᠠᠨ ᠪᠦᠭᠡᠳ ᠲᠦᠮᠡ ᠰᠢᠬᠠᠮ ᠬᠢᠳᠡᠳ ᠲᠠᠷᠢᠶᠠᠴᠢᠨ ᠤ ᠲᠠᠮᠵᠢᠯᠭᠡ ᠶᠢ ᠤᠯᠪᠠ᠃ ᠲᠡᠭᠡᠭᠡᠳ ᠬᠤᠷᠠᠭᠠ ᠲᠤᠭᠤᠶᠢᠯᠠᠩ ᠤᠨ ᠲᠡᠳ᠋ ᠶᠡᠷᠦᠩᠭᠡᠢ | ᠤᠳᠤᠷᠢᠳᠤᠭᠴᠢ ᠪᠠᠷ ᠰᠤᠩᠭᠤᠭᠳᠠᠵᠤ᠂ ᠠᠶᠤᠷᠽᠠᠨᠠ ᠲᠠᠢ ᠬᠠᠮᠳᠤ 13 ᠵᠤᠷᠪᠤᠰ ᠬᠦᠰᠡᠮᠵᠢᠯᠡᠯ ᠤᠨ ᠪᠢᠴᠢᠭ ᠪᠢᠴᠢᠭᠡᠳ ᠶᠡᠭᠡ ᠵᠤᠤ ᠶᠢᠨ ᠴᠢᠭᠤᠯᠭᠠᠨ ᠬᠢᠭᠡᠳ | ᠬᠤᠰᠢᠭᠤ ᠵᠠᠰᠠᠭ ᠰᠦᠮᠪᠦᠷᠪᠡᠳᠤ ᠳᠤ ᠦᠭᠴᠡᠢ᠃ ᠲᠡᠳᠡ ᠪᠠᠰᠠ ᠠᠷᠠᠳ ᠲᠦᠮᠡᠨ ᠳᠤ ᠮᠡᠳᠡᠭᠳᠡᠬᠦ ᠪᠢᠴᠢᠭ ᠪᠢᠴᠢᠵᠤ ᠵᠡᠷᠭᠡᠯᠡᠳᠡᠭᠡ ᠬᠤᠰᠢᠭᠤᠨ ᠳᠤ ᠬᠦᠷᠭᠡᠭᠰᠡᠨ | ᠪᠦᠭᠡᠳ ᠡᠯᠡ ᠬᠠᠷᠢᠶᠠ ᠰᠤᠮᠤᠨ ᠳᠠᠭᠠᠨ ᠲᠠᠷᠬᠠᠭᠠᠭᠰᠠᠨ ᠪᠠᠶᠢᠨᠠ᠃ ᠲᠤᠭᠤᠶᠢᠯᠠᠩ ᠤᠨ ᠬᠢᠨ ᠸᠠᠩ ᠤᠨ ᠤᠷᠳᠤᠨ ᠠᠴᠠ ᠲᠤᠭᠳᠠᠭᠠᠭᠰᠠᠨ ᠵᠦᠢ ᠵᠤᠬᠢᠰ ᠦᠭᠡᠢ | ᠭᠠᠶᠢᠯᠢ ᠲᠠᠳᠠᠪᠤᠷᠢ ᠶᠢ ᠴᠦᠮ ᠬᠦᠴᠦᠨ ᠦᠭᠡᠢ ᠪᠤᠯᠭᠠᠬᠤ ᠪᠠᠷ ᠨᠡᠶᠢᠳᠡᠯᠡᠵᠡᠢ᠃ | 1915 ᠤᠨ ᠤ ᠬᠠᠪᠤᠷ᠂ ᠲᠤᠭᠤᠶᠢᠯᠠᠩ ᠤᠨ ᠬᠢᠨ ᠢᠯᠪᠢᠨ ᠲᠠᠭᠠᠭᠤᠯᠬᠤ ᠭᠡᠯᠡᠯᠴᠡᠭᠡᠷ ᠬᠢᠬᠦ ᠪᠠᠷ ᠢᠷᠡᠭᠰᠡᠨ ᠰᠦᠮᠪᠦᠷᠪᠡᠳᠤ ᠶᠢᠨ ᠭᠠᠷ ᠭᠦᠯ ᠪᠤᠯᠤᠭᠴᠢ ᠸᠠᠩ | ᠤᠨ ᠤᠷᠳᠤᠨ ᠤ ᠸᠠᠶᠢᠳᠠᠨᠢᠳᠠ ᠷᠢᠨᠴᠢᠨ᠂ ᠪᠠᠷᠠᠭᠤᠨ ᠲᠤᠰᠠᠯᠠᠭᠴᠢ ᠦᠯᠵᠡᠶᠢᠪᠡᠳᠠᠷᠠᠬᠤ ᠨᠠᠷ ᠢ ᠵᠠᠨᠴᠢᠨ ᠶᠠᠪᠤᠭᠤᠯᠵᠤ ᠰᠦᠮᠪᠤᠷᠪᠡᠳᠤ ᠶᠢᠨ ᠤᠮᠤᠭ ᠰᠦᠷ ᠢ ᠶᠡᠭᠡᠪᠡᠷ | ᠲᠠᠷᠤᠪᠠ᠃ ᠮᠦᠨ ᠵᠢᠯ ᠤᠨ 3 ᠰᠠᠷᠠ ᠳᠤ ᠲᠠᠯᠠᠳ ᠬᠤᠰᠢᠭᠤᠨ ᠤ ᠲᠤᠭᠤᠶᠢᠯᠠᠩ ᠤᠨ ᠬᠦᠳᠡᠯᠭᠡᠭᠡᠨ ᠤ ᠭᠠᠷᠮᠠᠭᠠᠢ ᠤᠳᠤᠷᠢᠳᠤᠭᠴᠢ ᠠᠶᠤᠷᠽᠠᠨᠠ᠂ ᠰᠦᠮᠪᠤᠷᠪᠡᠳᠤ | ᠳᠤ ᠨᠢᠭᠤᠴᠠ ᠪᠠᠷ ᠬᠤᠤᠷᠯᠠᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠲᠤᠭᠤᠶᠢᠯᠠᠩ ᠤᠨ ᠬᠢᠨ ᠬᠤᠷᠠᠭᠠ ᠶᠢ ᠶᠡᠷᠦᠩᠭᠡᠢ ᠤᠳᠤᠷᠢᠳᠤᠭᠴᠢ ᠪᠠᠷ ᠰᠤᠩᠭᠤᠪᠠ᠃ ᠬᠤᠷᠠᠭᠠ ᠲᠤᠭᠤᠶᠢᠯᠠᠩ | ᠤᠨ ᠤᠯᠠᠨ ᠲᠦᠮᠡᠨ ᠢ ᠵᠤᠷᠢᠭᠵᠢᠭᠤᠯᠵᠤ ᠦᠷᠬᠦᠯᠵᠢᠯᠡᠨ ᠬᠠᠳᠠᠭᠤᠵᠢᠯᠳᠠᠢ ᠲᠡᠮᠡᠴᠡᠬᠦ ᠪᠠᠷ ᠤᠷᠢᠶᠠᠯᠠᠭᠰᠠᠨ ᠪᠦᠭᠡᠳ ᠭᠠᠳᠠᠷ ᠤᠷᠤᠨ ᠠᠴᠠ ᠨᠡᠯᠢᠶᠡᠳ ᠠᠷᠪᠢᠨ ᠫᠤᠤ | ᠵᠡᠪᠰᠡᠭ ᠬᠤᠳᠠᠯᠳᠤᠵᠤ ᠠᠪᠴᠢᠷᠠᠭᠠᠳ 600 ᠬᠦᠮᠦᠨ ᠲᠠᠢ ᠵᠡᠪᠰᠡᠭᠳᠤ ᠤᠲᠷᠢᠶᠠᠳ᠋ ᠪᠤᠯᠭᠠᠨ ᠦᠷᠭᠡᠳᠭᠡᠪᠡ᠃ | 1915 ᠤᠨ ᠤ 12 ᠰᠠᠷᠠ ᠶᠢᠨ 2 ᠤᠨ ᠡᠳᠦᠷ ︵ᠪᠢᠯᠢᠭ ᠤᠨ ᠠᠷᠪᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠲᠤᠯᠤᠭᠠᠨ︶ ᠬᠤᠷᠠᠭᠠ ᠶᠢᠨ ᠤᠳᠤᠷᠢᠳᠤᠯᠭᠠ ᠲᠤᠤᠷᠠ | ᠲᠤᠭᠤᠶᠢᠯᠠᠩ ᠤᠨ 8000 ᠬᠦᠮᠦᠨ ᠰᠦᠮᠪᠤᠷᠪᠡᠳᠤ ᠶᠢᠨ ᠸᠠᠩ ᠤᠨ ᠤᠷᠳᠤᠨ ᠢ ᠬᠤᠶᠠᠷ ᠰᠦᠨᠢ ᠬᠤᠶᠠᠷ ᠡᠳᠦᠷ ᠪᠦᠰᠡᠯᠡᠨ ᠴᠤᠬᠢᠪᠠ᠃ | 1916 ᠤᠨ ᠤ 1 ᠰᠠᠷᠠ ᠶᠢᠨ 4 ᠤ ᠡᠳᠦᠷ ︵ᠪᠢᠯᠢᠭ ᠤᠨ ᠠᠷᠪᠠᠨ ᠨᠢᠭᠡᠨ ᠰᠠᠷᠠ ᠶᠢᠨ ᠬᠤᠷᠢ ᠶᠢᠰᠤᠨ︶ ᠰᠦᠮᠪᠦᠷᠪᠡᠳᠤ ᠪᠤᠭᠤᠳᠤ ᠠᠴᠠ ᠴᠡᠷᠢᠭ ᠵᠢᠭᠡᠯᠡᠵᠦ | ᠠᠪᠴᠢᠷᠠᠭᠠᠳ ᠲᠤᠭᠤᠶᠢᠯᠠᠩ ᠤᠨ ᠬᠢᠨ ᠢ ᠪᠦᠰᠡᠯᠡᠨ ᠴᠤᠬᠢᠭᠰᠠᠨ ᠳᠤ ᠲᠤᠭᠤᠶᠢᠯᠠᠩ ᠤᠨ ᠬᠢᠨ ᠭᠠᠵᠠᠷ ᠤᠨ ᠪᠠᠶᠢᠴᠠ ᠶᠢ ᠠᠰᠢᠭᠯᠠᠨ ᠭᠡᠨᠡᠳᠡᠬᠦᠯᠦᠨ ᠲᠠᠭᠠᠷᠢᠵᠤ | ᠲᠠᠶᠢᠰᠤᠨ ᠢ ᠮᠠᠰᠢ ᠤᠯᠠᠨ ᠠᠯᠠᠵᠤ ᠰᠢᠷᠬᠠᠳᠤᠭᠤᠯᠵᠠᠢ᠃ 1 ᠰᠠᠷᠠ ᠶᠢᠨ 6 ᠤ ᠡᠳᠦᠷ ︵ᠦᠭᠡᠯᠵᠢᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠬᠤᠶᠠᠷ︶ ᠰᠦᠮᠪᠤᠷᠪᠡᠳᠤ ᠪᠤᠭᠤᠳᠤ | ᠠᠴᠠ ᠪᠠᠰᠠ ᠨᠢᠭᠡ ᠪᠡᠲᠯᠢᠶᠤᠨ ᠴᠡᠷᠢᠭ ᠵᠢᠭᠡᠯᠡᠵᠦ ᠶᠡᠭᠡ ᠫᠤᠤ ᠲᠠᠢ ᠢᠷᠡᠭᠰᠡᠨ ᠳᠤ ᠬᠤᠷᠠᠭᠠ ᠠᠷᠠᠳ ᠤᠨ ᠲᠤᠭᠤᠶᠢᠯᠠᠩ ᠤᠨ ᠵᠡᠪᠰᠡᠭᠳᠤ ᠬᠦᠴᠦᠨ ᠢ ᠲᠠᠭᠠᠭᠤᠯᠤᠨ | ᠴᠠᠶᠢᠳᠠᠮ ᠠᠴᠠ ᠤᠬᠤᠷᠢᠨ ᠭᠠᠷᠤᠭᠰᠠᠨ ᠳᠤ᠂ ᠰᠦᠮᠪᠤᠷᠪᠡᠳᠤ ᠶᠢᠨ ᠲᠠᠷᠤᠩᠭᠤᠶᠢᠯᠠᠬᠤ ᠪᠠᠷ ᠢᠷᠡᠭᠰᠡᠨ ᠴᠡᠷᠢᠭ ᠤᠳ ᠬᠤᠭᠤᠰᠤᠳᠠᠵᠤ᠂ ᠬᠤᠷᠠᠭᠠ ᠶᠢᠨ ᠭᠡᠷ ᠢ | ᠭᠠᠯᠳᠠᠭᠠᠳ ᠪᠤᠭᠤᠳᠤ ᠳᠠᠭᠠᠨ ᠪᠤᠴᠠᠵᠠᠢ᠃ | 1 ᠰᠠᠷᠠ ᠶᠢᠨ 27 ᠤ ᠡᠳᠦᠷ ︵ᠪᠢᠯᠢᠭ ᠤᠨ ᠦᠭᠡᠯᠵᠢᠨ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ︶ ᠤᠨ ᠦᠳᠡᠰᠢ᠂ ᠬᠤᠷᠠᠭᠠ ᠴᠦᠭᠡᠨ ᠭᠡᠳᠦᠨ ᠬᠠᠮᠠᠭᠠᠯᠠᠭᠴᠢ ᠴᠡᠷᠢᠭ | ᠲᠠᠢ ᠪᠠᠨ ᠨᠢᠭᠡ ᠮᠠᠯᠴᠢᠨ ᠡᠷᠦᠭᠡ ᠶᠢᠨ ᠳᠤ ᠭᠠᠯ ᠲᠡᠬᠢᠵᠤ ᠪᠠᠶᠢᠳᠠᠯᠠ᠂ ᠰᠦᠮᠪᠤᠷᠪᠡᠳᠤ ᠶᠢᠨ ᠲᠤᠮᠢᠯᠠᠭᠰᠠᠨ ᠴᠡᠷᠢᠭ ᠤᠳ ᠭᠡᠨᠡᠳᠳᠠ ᠪᠠᠷ ᠪᠦᠰᠡᠯᠡᠨ ᠢᠷᠡᠭᠡᠳ | ᠬᠤᠷᠠᠭᠠ ᠶᠢ ᠪᠠᠷᠢᠪᠴᠢᠯᠠᠨ ᠠᠪᠴᠠᠢ᠃ ᠠᠷᠠᠳ ᠤᠨ ᠲᠤᠭᠤᠶᠢᠯᠠᠩ ᠤᠨ ᠤᠳᠤᠷᠢᠳᠤᠭᠴᠢ ᠬᠤᠷᠠᠭᠠ ᠬᠢᠨᠳᠡᠨ ᠳᠤ ᠲᠦᠷᠪᠡᠨ ᠵᠢᠯ ᠲᠠᠮᠤᠯᠠᠭᠳᠠᠵᠤ 1919 ᠤᠨ ᠳᠤ | ᠨᠠᠰᠤ ᠪᠠᠷᠠᠪᠠ᠃ |