| ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠂ ᠬᠢᠲᠠᠳ ᠨᠡᠷᠡ ᠨᠢ ᠴᠢ ᠽᠢ ᠵᠢᠶᠦ᠋ᠨ᠂ ᠶᠡᠭᠡ ᠵᠤᠤ ᠶᠢᠨ ᠴᠢᠭᠤᠯᠭᠠᠨ ᠤ ᠵᠡᠭᠦᠠᠭᠠᠷ ᠬᠤᠰᠢᠭᠤᠨ ᠤ ᠨᠢᠭᠡᠨ ᠢᠵᠠᠭᠤᠷᠲᠠᠨ ᠤ ᠭᠡᠷ | ᠲᠤ ᠲᠦᠷᠦᠵᠡᠢ᠃ ᠬᠡᠦᠬᠡᠳ ᠤᠨ ᠬᠢᠨᠢ ᠬᠤᠶᠠᠳᠣᠭᠠᠷ ᠨᠢ ᠪᠤᠯᠬᠤᠷ ᠲᠣᠬᠠᠢ ᠶᠢᠨ ᠭᠠᠵᠠᠷ ᠤᠨ ᠬᠦᠮᠦᠰ ︽ᠬᠤᠶᠠᠳᠣᠭᠠᠷ ᠡᠩᠡ︾ ᠭᠡᠵᠦ ᠳᠠᠭᠤᠳᠠᠳᠠᠭ᠃ ᠪᠠᠭᠠ | ᠠᠴᠠ ᠪᠠᠨ ᠮᠣᠩᠭᠤᠯ ᠬᠢᠳᠠᠳ ᠪᠢᠴᠢᠭ ᠲᠤ ᠵᠡᠷᠭᠡᠪᠡᠷ ᠨᠡᠪᠳᠡᠷᠡᠵᠦ᠂ ᠣᠬᠢ ᠰᠠᠶᠢᠨ ᠬᠢᠷᠢ ᠪᠦᠲᠦᠮᠵᠢ ᠲᠠᠢ ᠪᠠᠶᠢᠵᠠᠢ᠃ | 1923 ᠣᠨ ᠳᠤ᠂ ᠡᠴᠢᠭᠡ ᠨᠠᠰᠣᠨᠳᠠᠯᠠᠢ ᠨᠢ ᠬᠦᠪᠡᠭᠦᠨ ᠷᠠᠪᠳᠠᠨ ᠢᠶᠠᠨ ᠴᠡᠷᠢᠭ ᠵᠠᠰᠠᠭ ᠤᠨ ᠨᠡᠷᠡᠲᠦ ᠬᠦᠮᠦᠰ ᠲᠠᠢ ᠲᠠᠨᠢᠯᠴᠠᠭᠤᠯᠬᠤ ᠶᠢᠨ ᠲᠦᠯᠦᠭᠡ᠂ ᠶᠡᠭᠡ | ᠬᠡᠮᠵᠢᠶᠡᠨ ᠤ ᠮᠦᠩᠭᠦ ᠵᠣᠭᠤᠰ ᠦᠭᠴᠦ ᠪᠸᠢᠢᠫᠢᠩ᠂ ᠨᠠᠨᠵᠢᠩ ᠵᠡᠷᠭᠡ ᠬᠤᠲᠠᠳ ᠢᠶᠠᠷ ᠲᠣᠭᠤᠷᠢᠭᠤᠯᠵᠠᠢ᠃ ᠲᠡᠷᠡ ᠣᠯᠣᠰ ᠢᠷᠭᠡᠨ ᠤ ᠬᠤᠪᠢᠰᠬᠠᠯ ᠤᠨ ᠴᠢᠬᠤᠯᠠ | ᠬᠦᠮᠦᠰ ᠢᠦᠢ ᠶᠸᠦ ᠷᠧᠨ᠂ ᠹᠧᠩ ᠢᠦᠢ ᠰᠢᠶᠠᠩ ᠲᠠᠢ ᠲᠠᠨᠢᠯᠴᠠᠵᠠᠢ᠃ ᠰᠡᠭᠦᠯᠡᠷ ᠨᠢ᠂ ᠲᠡᠷᠡ ᠦᠨᠳᠦᠰᠦᠲᠡᠨ ᠤ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠢ ᠵᠣᠷᠢᠭᠴᠢ | ᠸᠠᠩᠳᠠᠨᠨᠢᠮᠠ ᠪᠤᠯᠤᠨ ᠰᠢᠨᠡᠯᠠᠮᠠ ᠲᠠᠢ ᠲᠠᠨᠢᠯᠴᠠᠭᠠᠳ 1924 ᠣᠨ ᠳᠤ ᠰᠢᠨᠡᠯᠡᠮᠡ ᠲᠠᠢ ᠬᠠᠮᠲᠣ ᠣᠯᠠᠭᠠᠨᠪᠠᠭᠠᠲᠣᠷ ᠲᠤ ᠬᠦᠷᠴᠦ ᠴᠣᠶᠢᠪᠠᠯᠰᠠᠩ ᠲᠠᠢ ᠪᠠᠷᠠᠳᠠᠨ | ᠠᠭᠤᠯᠵᠠᠵᠣ᠂ ᠮᠣᠩᠭᠤᠯ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠲᠣ ᠨᠠᠮ ᠳᠤ ᠡᠯᠰᠡᠭᠳᠡᠭᠰᠡᠨ ᠪᠠᠶᠢᠨᠠ᠃ ᠮᠦᠨ ᠵᠢᠯ ᠳᠤ᠂ ᠹᠧᠩ ᠢᠦᠢ ᠰᠢᠶᠠᠩ ᠵᠠᠩᠵᠤᠨ ᠠᠴᠠ ᠲᠡᠭᠦᠨ ᠢ | ︽ᠾᠧᠪᠸᠢ᠂ ᠱᠠᠨᠰᠢ᠂ ᠭᠠᠨᠰᠤ ᠶᠢᠨ ᠳᠡᠭᠡᠷᠡᠮ ᠢ ᠣᠰᠠᠳᠬᠠᠬᠤ ᠴᠡᠷᠢᠭ︾ ᠤᠨ ᠮᠣᠷᠢᠲᠤ ᠴᠡᠷᠢᠭ ᠤᠨ ᠲᠣᠰᠠᠭᠠᠷ ᠬᠤᠷᠢᠶᠠᠨ ᠤ ᠳᠠᠷᠤᠭᠠ ᠪᠠᠷ ᠲᠤᠮᠢᠯᠠᠪᠠ᠃ | ᠲᠡᠭᠡᠭᠡᠳ ᠲᠡᠷᠡ ᠰᠢᠨᠡ ᠴᠡᠷᠢᠭ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠨ ᠭᠠᠳᠠᠷ ᠮᠣᠵᠢ ᠠᠴᠠ ᠬᠢᠲᠠᠳ ᠰᠣᠷᠭᠠᠭᠴᠢ ᠣᠷᠢᠵᠣ ᠴᠡᠷᠢᠭ ᠠᠩᠭᠢ ᠪᠠᠨ ᠰᠢᠨᠡ ᠠᠷᠭᠠ ᠪᠠᠷ | ᠪᠤᠯᠪᠠᠰᠣᠷᠠᠭᠤᠯᠵᠠᠢ᠃ | 1925 ᠣᠨ ᠤ 10 ᠰᠠᠷᠠ ᠳᠤ᠂ ᠷᠠᠪᠳᠠᠨ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠ ᠳᠤ ᠣᠴᠢᠵᠤ ᠲᠣᠳᠣᠭᠠᠲᠣ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠲᠤ ᠨᠠᠮ ᠤᠨ | ᠠᠩᠬᠠᠳᠣᠭᠠᠷ ᠬᠤᠭᠤᠴᠠᠭᠠᠨ ᠤ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠳᠤ ᠣᠷᠣᠯᠴᠠᠪᠠ᠃ ᠡᠨᠡ ᠦᠶᠡᠰ ᠲᠤ ᠭᠠᠳᠠᠨᠠ ᠳᠣᠳᠣᠨᠠ ᠶᠠᠪᠣᠵᠣ ᠡᠪ ᠬᠠᠮᠲᠤ ᠨᠠᠮ ᠤᠨ | ᠡᠬᠢᠨ ᠤ ᠦᠶᠡ ᠶᠢᠨ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠵᠦ ᠪᠠᠶᠢᠭᠰᠠᠨ ᠵᠣᠣ ᠱᠢ ᠶᠠᠨ᠂ ᠣᠯᠠᠭᠠᠨᠬᠦᠦ᠂ ᠯᠢ ᠰᠧᠨ ᠵᠡᠷᠭᠡ ᠬᠦᠮᠦᠰ ᠲᠠᠢ ᠨᠦᠬᠦᠷᠯᠡᠭᠰᠡᠨ ᠪᠠᠶᠢᠨᠠ᠃ | 1926 ᠣᠨ ᠤ ᠡᠬᠢ ᠪᠠᠷ᠂ ᠷᠠᠪᠳᠠᠨ ᠪᠤᠭᠤᠲᠤ ᠠᠴᠠ 500 ᠣᠷᠣᠰ ᠬᠢᠴᠡᠲᠡᠢ ᠯᠢᠶᠠᠨᠵᠤ ᠫᠤᠤ ᠠᠪᠴᠢᠷᠠᠭᠠᠳ ᠰᠢᠨᠡ ᠴᠡᠷᠢᠭ ᠢᠶᠠᠨ ᠵᠡᠪᠰᠡᠭᠯᠡᠪᠡ᠃ 7 | ᠰᠠᠷᠠ ᠳᠤ ᠹᠧᠩ ᠢᠦᠢ ᠰᠢᠶᠠᠩ ᠤᠨ ᠵᠠᠷᠯᠢᠭ ᠢᠶᠠᠷ ᠲᠡᠷᠡ 700 ᠴᠡᠷᠢᠭ ᠳᠠᠭᠠᠭᠤᠯᠣᠨ ᠱᠠᠨ ᠰᠢ ᠮᠣᠵᠢ ᠶᠢᠨ ᠾᠧ ᠴᠢᠦᠢ ᠭᠠᠵᠠᠷ ᠢᠶᠠᠷ ᠪᠠᠶᠢᠯᠳᠣᠨ ᠶᠠᠪᠣᠭᠠᠳ | ᠳᠠᠶᠢᠨ ᠳᠤ ᠢᠯᠠᠭᠳᠠᠵᠤ ᠵᠡᠭᠦᠠᠭᠠᠷ ᠬᠤᠰᠢᠭᠤᠨ ᠳᠠᠭᠠᠨ ᠬᠠᠷᠢᠵᠤ ᠢᠷᠡᠵᠡᠢ᠃ ᠡᠴᠢᠭᠡ ᠬᠦᠪᠡᠭᠦᠨ ᠬᠤᠶᠠᠭᠤᠯᠠ ᠵᠦᠷᠢᠴᠡᠯ ᠲᠠᠢ ᠪᠣᠯᠣᠭᠠᠳ᠂ ᠲᠡᠷᠡ ᠵᠦᠪᠬᠡᠨ 200 | ᠭᠠᠷᠣᠢ ᠰᠢᠨᠡ ᠴᠡᠷᠢᠭ ᠢᠶᠠᠨ ᠳᠠᠶᠢᠴᠢᠯᠠᠨ ᠨᠢᠩᠰᠢᠶᠠ ᠳᠤ ᠬᠦᠷᠴᠦ ᠹᠧᠩ ᠢᠦᠢ ᠰᠢᠶᠠᠩ ᠲᠠᠢ ᠣᠴᠠᠷᠠᠭᠰᠠᠨ ᠳᠤ ᠹᠧᠩ ᠢᠦᠢ ᠰᠢᠶᠠᠩ ᠠᠴᠠ ᠲᠡᠭᠦᠨ ᠢ ︽ᠤᠯᠤᠰ | ᠠᠷᠠᠳ ᠤᠨ ᠬᠤᠪᠢᠰᠬᠠᠯᠲᠣ ᠴᠡᠷᠢᠭ ᠤᠨ ᠮᠣᠩᠭᠤᠯ ᠳ᠋ᠣᠭᠠᠷᠯᠠᠭᠰᠠᠨ ᠨᠢᠭᠡᠳᠦᠭᠡᠷ ᠵᠠᠮ ᠤᠨ ᠴᠡᠷᠢᠭ︾ ᠤᠨ ᠰᠧᠯᠢᠩ ᠢᠶᠠᠷ ᠲᠣᠮᠢᠯᠠᠪᠠ᠃ | 1927 ᠣᠨ ᠤ 8 ᠰᠠᠷᠠ ᠳᠤ᠂ ᠷᠠᠪᠳᠠᠨ ᠣᠯᠠᠭᠠᠨᠪᠠᠭᠠᠲᠣᠷ ᠲᠤ ᠣᠴᠢᠵᠤ ᠳᠣᠳᠣᠭᠠᠲᠣ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠲᠣ ᠨᠠᠮ ᠤᠨ ᠲᠣᠰᠬᠠᠢ | ᠬᠤᠷᠠᠯ ᠳᠤ ᠣᠷᠣᠯᠴᠠᠪᠠ᠃ ᠲᠡᠷᠡ ᠢᠷᠭᠠᠢ ᠳᠤ ᠪᠣᠴᠠᠵᠣ ᠢᠷᠡᠭᠰᠡᠨ ᠤ ᠳᠠᠷᠠᠭᠠ᠂ ᠠᠷᠭᠠ ᠰᠦᠪᠡᠭᠴᠢᠯᠡᠵᠦ ᠪᠠᠶᠢᠭᠠᠳ ᠰᠡᠷᠡᠩᠳᠣᠩᠷᠣᠪ ᠨᠠᠷ ᠲᠤ ᠬᠤᠷᠢᠭᠳᠠᠭᠰᠠᠨ | ᠮᠦᠩᠬᠡᠨ᠋ᠦ᠋ᠯᠵᠡᠢ᠂ ᠵᠠᠮᠢᠶᠠᠩᠰᠢᠷᠡᠪ᠂ ᠱᠠᠨᠵᠢᠮᠢᠳᠣᠪ ᠨᠠᠷ ᠢ ᠰᠣᠯᠠᠯᠠᠨ ᠶᠠᠪᠤᠭᠤᠯᠪᠠ᠃ 1928ᠣᠨ ᠳᠤ᠂ ᠡᠴᠢᠭᠡ ᠨᠠᠰᠣᠨᠳᠠᠯᠠᠢ ᠨᠢ ᠵᠡᠭᠦᠡᠭᠠᠷ ᠬᠤᠰᠢᠭᠤ ᠭᠠᠩ | ᠭᠠᠴᠢᠭ ᠶᠡᠭᠡ᠂ ᠣᠯᠠᠨ ᠴᠡᠷᠢᠭ ᠲᠡᠵᠢᠭᠡᠵᠦ ᠳᠡᠶᠢᠯᠬᠦ ᠦᠭᠡᠢ ᠭᠡᠳᠡᠭ ᠨᠡᠷᠡ ᠪᠠᠷ ᠰᠢᠨᠡ ᠴᠡᠷᠢᠭ ᠢ ᠴᠦᠮ ᠭᠡᠷ ᠲᠤᠨᠢ ᠬᠠᠷᠢᠭᠤᠯᠣᠭᠰᠠᠨ ᠳᠤ᠂ ᠮᠦᠨ ᠨᠠᠮᠣᠷ ᠹᠧᠩ | ᠢᠦᠢ ᠰᠢᠶᠠᠩ ᠴᠡᠷᠢᠭ ᠤᠨ ᠨᠤᠮᠧᠷ ᠢ ᠬᠦᠴᠦᠨ ᠦᠭᠡᠢ ᠪᠤᠯᠭᠠᠭᠰᠠᠨ ᠪᠠᠶᠢᠨᠠ᠃ ᠡᠴᠢᠭᠡ ᠨᠠᠰᠣᠳᠠᠯᠠᠢ ᠨᠢ ᠬᠦᠶᠦᠵᠦ ᠪᠠᠶᠢᠭᠠᠳ ᠷᠠᠪᠳᠠᠨ ᠢ ᠵᠡᠭᠦᠡᠭᠠᠷ ᠬᠤᠰᠢᠭᠤᠨ ᠤ | ᠪᠠᠷᠠᠭᠤᠨ ᠲᠣᠰᠠᠯᠠᠭᠴᠢ ᠪᠤᠯᠭᠠᠵᠠᠢ᠃ | 1929 ᠣᠨ ᠳᠤ᠂ ᠷᠠᠪᠳᠠᠨ ᠾᠧᠨᠠᠨ ᠮᠤᠵᠢ ᠳᠤ ᠣᠴᠢᠵᠣ ᠹᠧᠩ ᠢᠦᠢ ᠰᠢᠶᠠᠩ ᠲᠠᠢ ᠠᠭᠤᠯᠵᠠᠭᠰᠠᠨ ᠳᠤ᠂ ᠹᠧᠩ ᠢᠦᠢ ᠰᠢᠶᠠᠩ ᠲᠡᠭᠦᠨ ᠳᠤ ᠶᠠᠮᠠᠷ ᠴᠦ | ᠵᠡᠷᠭᠡ ᠬᠡᠷᠬᠡᠮ ᠦᠭᠭᠦᠭᠰᠡᠨ ᠦᠭᠡᠢ ᠮᠦᠷᠲᠡᠭᠡᠨ ᠯᠦᠸᠧᠶᠠᠩ ᠳᠤ ᠣᠴᠢᠵᠣ ᠰᠣᠷᠣᠯᠴᠠ ᠭᠡᠰᠡᠨ ᠳᠤ ᠲᠣᠷᠠ ᠦᠭᠡᠶᠢᠴᠡᠭᠡᠳ ᠵᠡᠭᠦᠡᠭᠠᠷ ᠬᠤᠰᠢᠭᠤᠨ ᠳᠠᠭᠠᠨ ᠪᠣᠴᠠᠵᠣ | ᠢᠷᠡᠭᠡᠳ ᠡᠪ ᠬᠠᠮᠲᠤ ᠨᠠᠮ ᠲᠠᠢ ᠬᠠᠷᠢᠯᠴᠠᠵᠣ ᠡᠬᠢᠯᠡᠪᠡ᠃ ᠲᠣᠰ ᠵᠢᠯ ᠳᠤ᠂ ᠲᠡᠷᠡ ︽ᠲᠦᠩ ᠷᠧᠨ︾ ᠰᠣᠷᠭᠠᠭᠤᠯᠢ ᠪᠠᠶᠢᠭᠤᠯᠵᠤ᠂ ᠪᠸᠢᠢᠫᠢᠩ᠂ ᠱᠠᠩᠬᠠᠢ ᠵᠡᠷᠭᠡ | ᠭᠠᠵᠠᠷ ᠠᠴᠠ ᠠᠷᠠᠳᠴᠢᠯᠠᠭᠰᠠᠨ ᠦᠵᠡᠯ ᠲᠠᠢ ᠬᠦᠮᠦᠰ ᠢ ᠣᠷᠢᠵᠣ ᠪᠠᠭᠰᠢ ᠪᠣᠯᠭᠠᠪᠠ᠃ | 1930 ᠣᠨ ᠤ 8 ᠰᠠᠷᠠ ᠳᠤ᠂ ᠷᠠᠪᠳᠠᠨ ᠦᠦᠰᠢᠨ ᠬᠤᠰᠢᠭᠤᠨ ᠳᠤ ᠣᠴᠢᠵᠣ᠂ ᠣᠯᠠᠭᠠᠨᠴᠠᠪ᠂ ᠶᠡᠭᠡ ᠵᠣᠣ ᠶᠢᠨ ᠴᠢᠭᠤᠯᠭᠠᠨ ᠤ ᠲᠣᠳᠣᠭᠠᠲᠣ ᠮᠣᠩᠭᠤᠯ | ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠲᠤ ᠨᠠᠮ ᠤᠨ ᠬᠤᠷᠠᠯ ᠳᠤ ᠣᠷᠣᠯᠴᠠᠭᠠᠳ᠂ ᠣᠷᠳᠣᠰ᠂ ᠣᠯᠠᠭᠠᠨᠴᠠᠪ᠂ ᠠᠯᠠᠱᠠᠨ᠂ ᠲᠦᠮᠡᠳ ᠤᠨ ᠨᠠᠮ ᠤᠨ ᠬᠡᠷᠡᠭ ᠢ ᠡᠷᠬᠢᠯᠡᠨ | ᠣᠳᠣᠷᠢᠳᠬᠤ ᠨᠠᠮ ᠤᠨ ᠳᠣᠪᠴᠢᠶᠠᠨ ᠤ ᠲᠡᠷᠢᠭᠦᠯᠡᠭᠴᠢ ᠪᠠᠷ ᠰᠣᠩᠭᠤᠭᠳᠠᠵᠠᠢ᠃ 1931 ᠣᠨ ᠳᠤ᠂ ᠲᠡᠷᠡ ᠢᠦᠢ ᠶᠸᠦ ᠷᠧᠨ ᠤ ᠳᠡᠮᠵᠢᠯᠭᠡ ᠳᠣᠣᠷᠠ ᠭᠤᠮᠢᠨᠳᠠᠩ | ᠤᠨ ᠬᠢᠨᠠᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠤ ᠬᠡᠰᠢᠭᠦᠨ ᠪᠤᠯᠪᠠ᠃ | 1932 ᠤᠨ ᠤ 2 ᠰᠠᠷᠠ ᠶᠢᠨ 9 ᠤ ᠡᠳᠦᠷ ᠤᠨ ᠦᠷᠯᠦᠭᠡ᠂ ᠵᠡᠭᠦᠡᠭᠠᠷ ᠬᠤᠰᠢᠭᠤᠨ ᠤ ᠴᠢ ᠱᠸᠦ ᠱᠠᠨ ᠤ ᠡᠭᠦᠰᠭᠡᠭᠰᠡᠨ ᠬᠡᠷᠡᠭ ᠬᠤᠪᠢᠰᠣᠯ ᠤᠨ ᠳᠣᠮᠳᠠ | ᠫᠣᠣᠳᠠᠭᠳᠠᠨ ᠠᠯᠠᠭᠳᠠᠵᠠᠢ᠃ ᠨᠠᠰᠣᠨ ᠰᠡᠭᠦᠳᠡᠷ ᠰᠠᠶ᠋ᠢ 31 ᠨᠠᠰᠣᠲᠠᠶᠢᠬᠠᠨ ᠪᠠᠶᠢᠪᠠ᠃ | | |