| | ᠮᠤᠩᠭᠤᠯ ᠨᠡᠷᠡ ᠨᠢ ᠪᠤᠷᠤᠪᠠᠭᠠᠲᠣᠷ᠂ 1913 ᠣᠨ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠶᠡᠭᠡ ᠵᠤᠤ ᠶᠢᠨ ᠴᠢᠭᠤᠯᠭᠠᠨ ᠤ ᠤᠲᠤᠭ ᠬᠤᠰᠢᠭᠤᠨ ᠤ ᠴᠠᠭᠠᠨ | ᠲᠣᠯᠣᠭᠠᠢ ︵ᠣᠳᠣ ᠶᠢᠨ ᠣᠷᠳᠣᠰ ᠬᠤᠲᠠ ᠶᠢᠨ ᠣᠲᠤᠭ ᠬᠤᠰᠢᠭᠤᠨ ᠤ ᠮᠤᠭᠠᠶᠢᠲᠤ ᠭᠠᠴᠠᠭᠠ︶ ᠶᠢᠨ ᠮᠠᠯᠴᠢᠨ ᠬᠡᠰᠢᠭᠪᠡᠲᠣ ᠶᠢᠨ ᠭᠡᠷ ᠲᠤ ᠲᠦᠷᠦᠵᠡᠢ᠃ | ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠡᠬᠡ ᠡᠴᠢᠬᠡ ᠪᠠᠨ ᠠᠯᠳᠠᠵᠤ ᠪᠤᠰᠤᠳ ᠠᠶᠢᠯ ᠤᠨ ᠠᠳᠣᠭᠤ ᠮᠠᠯ ᠤᠨ ᠠᠵᠢᠯ ᠳᠤ ᠬᠠᠮᠵᠢᠯᠴᠠᠨ᠂ ᠠᠪᠠ ᠬᠦᠷᠦᠭᠡ ᠬᠢᠵᠦ ᠠᠮᠢ ᠵᠢᠭᠤᠵᠤ | ᠪᠠᠶᠢᠭᠰᠠᠨ ᠨᠢ ᠬᠠᠷᠢᠨ ᠲᠡᠭᠦᠨ ᠢ ᠳᠣᠪᠳᠣᠯᠤᠭᠠ ᠮᠤᠷᠢᠨ ᠳᠡᠭᠡᠷᠡ ᠠᠴᠠ ᠠᠯᠳᠠᠯ ᠦᠭᠡᠢ ᠬᠠᠷᠪᠣᠳᠠᠭ ᠮᠡᠷᠭᠡᠨ ᠬᠠᠷᠪᠣᠭᠠᠴᠢ ᠪᠤᠯᠭᠠᠨ ᠪᠤᠯᠪᠠᠰᠣᠷᠠᠭᠤᠯᠵᠠᠢ᠃ | 1929 ᠤᠨ ᠳᠤ ᠪᠤᠷᠣᠪᠠᠭᠠᠲᠣᠷ ᠣᠲᠤᠭ ᠬᠤᠰᠢᠭᠤᠨ ᠤ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠶᠡᠭᠡ ᠠᠩᠭᠢ ᠳᠤ ᠡᠯᠰᠡᠭᠳᠡᠨ ᠤᠷᠤᠵᠤ᠂ ᠳᠡᠮᠡᠢ ᠣᠳᠠᠯ ᠦᠭᠡᠢ ᠳᠣᠮᠳᠠ | ᠠᠩᠭᠢ ᠶᠢᠨ ᠳᠠᠷᠤᠭᠠ ᠪᠤᠯᠤᠨ ᠳᠡᠪᠰᠢᠵᠤ᠂ ᠣᠳᠤᠭ ᠬᠤᠰᠢᠭᠤᠨ ᠤ ᠴᠡᠷᠢᠭ ᠤᠨ ᠲᠣᠳᠣᠷᠠᠬᠢ ᠴᠢᠬᠤᠯᠠ ᠨᠢᠭᠡᠨ ᠬᠦᠮᠦᠨ ᠪᠤᠯᠵᠤ ᠬᠦᠮᠦᠵᠢᠭᠳᠡᠭᠰᠡᠨ ᠪᠠᠶᠢᠨᠠ᠃ | 1936 ᠤᠨ ᠤ 7 ᠰᠠᠷᠠ ᠳᠤ᠂ ᠶᠡᠭᠡ ᠵᠤᠤ ᠶᠢᠨ ᠴᠢᠭᠤᠯᠭᠠᠨ ᠤ ᠡᠮᠦᠨᠡᠲᠦ ᠬᠡᠰᠡᠭ ᠲᠠᠬᠢ ᠫᠠᠷᠲ᠋ᠢᠽᠠᠨ ᠴᠡᠷᠢᠭ ᠤᠨ ᠰᠧᠯᠢᠩ ᠵᠠᠮᠢᠶᠠᠩᠰᠢᠷᠠᠪ ᠡᠪ ᠬᠠᠮᠲᠣ | ᠨᠠᠮ ᠢ ᠡᠰᠡᠷᠭᠦᠴᠡᠵᠦ ᠭᠤᠮᠢᠨᠳᠠᠩ ᠢ ᠳᠠᠭᠠᠭᠰᠠᠨ ᠠᠴᠠ ᠬᠡᠨᠡᠳᠲᠡ ᠨᠢᠩᠰᠢᠶᠠ ᠶᠢᠨ ᠴᠡᠷᠢᠭ ᠤᠨ ᠡᠷᠬᠡᠲᠡᠨ ᠮᠠ ᠬᠤᠩ ᠺᠦᠢ ᠲᠠᠢ ᠰᠦᠯᠪᠡᠭᠡᠯᠡᠵᠦ᠂ ᠣᠲᠤᠭ ᠤᠨ | ᠬᠡᠪᠴᠢᠶᠡᠨ ᠳᠠᠬᠢ ᠲᠠᠪᠣᠰᠣᠨ ᠨᠠᠭᠤᠷ ᠤᠳ ᠢ ᠴᠦᠮ ᠴᠡᠷᠢᠭ ᠲᠣᠮᠢᠯᠠᠵᠤ ᠰᠠᠬᠢᠭᠤᠯᠤᠨ᠂ ᠰᠧᠯᠢᠩ ᠤᠨ ᠨᠡᠷᠡ ᠪᠠᠷ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ ᠪᠢᠳᠡᠭᠦᠮᠵᠢᠯᠡᠭᠡᠳ᠂ ᠱᠠᠨᠰᠢ | ᠭᠠᠨᠰᠤ ᠨᠢᠩᠰᠢᠶᠠ ᠶᠢᠨ ᠬᠢᠵᠠᠭᠠᠷ ᠣᠷᠣᠨ ᠤ ᠬᠤᠪᠢᠰᠬᠠᠯ ᠤᠨ ᠰᠠᠭᠤᠷᠢᠨ ᠭᠠᠵᠠᠷ ᠲᠠᠢ ᠲᠠᠪᠣᠰᠣᠨ ᠠᠷᠠᠯᠵᠢᠶᠠ ᠬᠢᠬᠦ᠂ ᠲᠠᠪᠣᠰᠣ ᠬᠠᠩᠭᠠᠬᠤ ᠶᠢ ᠵᠣᠭᠰᠣᠭᠠᠪᠠ᠃ | ᠡᠶᠢᠮᠦᠷᠬᠦ ᠪᠠᠶᠢᠳᠠᠯ ᠳᠣᠣᠷᠠ ᠪᠤᠷᠤᠪᠠᠭᠠᠲᠣᠷ ᠰᠡᠮᠡᠬᠡᠷ ᠳᠣᠮᠳᠠ ᠠᠩᠭᠢ ᠶᠢᠨ ᠳᠠᠷᠤᠭᠠ ᠭᠦ᠋ ᠱᠸᠦ ᠱᠠᠨ᠂ ᠳᠠᠪᠰᠢᠩᠭᠤᠢ ᠦᠵᠡᠯ ᠲᠠᠢ ᠮᠠ ᠹᠦ᠋ ᠭᠠᠩ ︵ᠵᠠᠮᠢᠶᠠᠩᠰᠢᠷᠠᠪ | ᠤᠨ ᠨᠠᠷᠢᠨ ᠪᠢᠴᠢᠭᠡᠴᠢ︶ ᠲᠠᠢ ᠵᠦᠪᠳᠡᠵᠦ ᠪᠠᠶᠢᠭᠠᠳ ᠬᠡᠳᠦᠨ ᠠᠷᠪᠠᠨ ᠵᠢᠩᠴᠢᠨ ᠢ ᠳᠠᠶᠢᠴᠢᠯᠠᠨ ᠵᠠᠭᠤ ᠭᠠᠷᠣᠢ ᠲᠡᠮᠡᠭᠡ ᠬᠦᠳᠦᠯᠦᠭᠦᠯᠦᠨ ᠵᠦᠭᠡᠭᠡᠪᠦᠷᠢ ᠶᠢᠨ ᠡᠩᠨᠡᠭᠡ | ᠶᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠬᠤᠪᠢᠰᠬᠠᠯ ᠤᠨ ᠰᠠᠭᠤᠷᠢᠨ ᠭᠠᠵᠠᠷ ᠲᠤ ᠲᠠᠪᠣᠰᠣ ᠬᠠᠩᠭᠠᠨ ᠬᠤᠪᠢᠰᠬᠠᠯ ᠢ ᠳᠡᠮᠵᠢᠵᠦ ᠪᠠᠶᠢᠪᠠ᠃ | 1946 ᠣᠨ ᠤ 1 ᠰᠠᠷᠠ ᠳᠤ ᠪᠤᠷᠤᠪᠠᠭᠠᠲᠣᠷ ᠬᠠᠮᠲᠤ ᠪᠠᠶᠢᠯᠳᠣᠭᠴᠢᠳ ᠨᠠᠷ ᠲᠠᠢ ᠪᠠᠨ ᠠᠷᠠᠯ ᠤᠨ ᠰᠦᠮᠡ ᠶᠢᠨ ᠬᠡᠷᠡᠭ ᠬᠤᠪᠢᠰᠤᠯ ᠢ ᠡᠭᠦᠰᠭᠡᠵᠦ᠂ | ᠵᠠᠮᠢᠶᠠᠩᠰᠢᠷᠠᠪ ᠢ ᠠᠯᠠᠭᠠᠳ᠂ ᠣᠳᠤᠭ ᠬᠤᠰᠢᠭᠤᠨ ᠤ ᠬᠤᠪᠢᠰᠬᠠᠯ ᠤᠨ ᠵᠡᠪᠰᠡᠭᠲᠦ ᠬᠦᠴᠦᠨ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠣ᠂ ᠪᠤᠷᠤᠪᠠᠭᠠᠲᠣᠷ 2 ᠳ᠋ᠣᠭᠠᠷ ᠬᠤᠷᠢᠶᠠᠨ | ᠳᠠᠷᠤᠭᠠ ᠪᠤᠯᠪᠠ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠪᠤᠷᠤᠪᠠᠭᠠᠲᠣᠷ ᠴᠡᠷᠢᠭ ᠠᠩᠭᠢ ᠪᠠᠨ ᠳᠠᠭᠠᠭᠤᠯᠣᠨ ᠬᠤᠪᠢᠰᠬᠠᠯ ᠤᠨ ᠴᠡᠷᠢᠭ ᠤᠨ ᠭᠤᠤᠯᠯᠠᠬᠤ ᠬᠦᠴᠦᠨ ᠢ ᠲᠣᠰᠠᠯᠠᠨ᠂ | ᠣᠲᠤᠭ ᠬᠤᠰᠢᠭᠤᠨ ᠤ ᠬᠤᠪᠢᠰᠬᠠᠯ ᠤᠨ ᠡᠰᠡᠷᠭᠦᠦ ᠬᠦᠴᠦᠨ ᠳᠤ ᠴᠣᠬᠢᠯᠲᠠ ᠦᠭᠴᠦ᠂ ᠳᠠᠶᠢᠰᠣᠨ ᠢ ᠣᠰᠠᠳᠬᠠᠨ ᠬᠤᠪᠢᠰᠬᠠᠯ ᠤᠨ ᠴᠡᠷᠢᠭ ᠤᠨ ᠠᠮᠣᠷ ᠲᠦᠪᠰᠢᠨ | ᠢ ᠬᠠᠮᠠᠭᠠᠯᠠᠵᠤ ᠪᠠᠶᠢᠪᠠ᠃ | 1947 ᠤᠨ ᠤ 3 ᠰᠠᠷᠠ ᠳᠤ᠂ ᠵᠢᠶᠠᠩ ᠵᠢᠶᠧ ᠱᠢ ᠬᠤ᠋ ᠽᠦᠩ ᠨᠠᠨ ᠤ 20 ᠠᠷᠮᠠᠢ᠂ ᠬᠦᠬᠡᠨᠠᠭᠤᠷ ᠤᠨ ᠮᠠ ᠪᠦ᠋ ᠹᠠᠩ᠂ ᠨᠢᠩᠰᠢᠶᠠ ᠶᠢᠨ ᠮᠠ ᠬᠤᠩ | ᠺᠦᠢ ᠶᠢᠨ 12 ᠠᠷᠮᠠᠢ ᠶᠢ ᠲᠣᠮᠢᠯᠠᠨ ᠱᠠᠨᠰᠢ ᠭᠠᠨᠰᠤ ᠨᠢᠩᠰᠢᠶᠠ ᠶᠢᠨ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠣᠷᠣᠨ ᠵᠦᠭ ᠰᠢᠷᠦᠭᠦᠨ ᠳᠠᠭᠠᠷᠢᠯᠲᠠ ᠶᠠᠪᠤᠭᠤᠯᠪᠠ᠃ ᠱᠠᠨᠰᠢ ᠭᠠᠨᠰᠦ | ᠨᠢᠩᠰᠢᠶᠠ ᠶᠢᠨ ᠬᠢᠵᠠᠭᠠᠷ ᠣᠷᠣᠨ ᠳᠤ ᠪᠠᠶᠢᠭᠰᠠᠨ ᠣᠲᠤᠭ ᠬᠤᠰᠢᠭᠤᠨ ᠤ ᠬᠤᠪᠢᠰᠬᠠᠯ ᠤᠨ ᠵᠡᠪᠰᠡᠭᠲᠦ ᠴᠡᠷᠢᠭ ᠲᠣᠰ ᠣᠳᠠᠭᠠᠨ ᠤ ᠳᠠᠭᠠᠷᠢᠯᠲᠠ ᠳᠤ ᠶᠡᠭᠡ ᠪᠠᠷ | ᠬᠤᠬᠢᠷᠠᠯ ᠳᠤ ᠣᠴᠠᠷᠠᠵᠣ᠂ ᠪᠣᠷᠣᠪᠠᠭᠠᠲᠣᠷ ᠴᠦᠬᠡᠨ ᠬᠡᠳᠦᠨ ᠨᠦᠬᠦᠳ ᠢᠶᠠᠨ ᠳᠠᠭᠠᠭᠤᠯᠣᠨ ᠳᠠᠶᠢᠰᠣᠨ ᠤ ᠪᠦᠰᠡᠯᠡᠯᠲᠡ ᠶᠢ ᠰᠢᠪᠲᠣᠯᠣᠨ ᠭᠠᠷᠣᠭᠠᠳ ᠵᠢᠩ ᠪᠢᠶᠠᠨ | ᠳᠤ ᠬᠦᠷᠴᠦ᠂ ᠳᠣᠮᠳᠠᠳᠣ ᠣᠯᠣᠰ ᠤᠨ ᠡᠪ ᠬᠠᠮᠲᠣ ᠨᠠᠮ ᠤᠨ ᠣᠲᠤᠭ ᠬᠤᠰᠢᠭᠤᠨ ᠤ ᠠᠵᠢᠯᠯᠠᠬᠤ ᠬᠤᠷᠢᠶᠠ ᠲᠠᠢ ᠨᠡᠶᠢᠯᠡᠨ᠂ ᠨᠠᠨ ᠱᠠᠨ ᠣᠷᠴᠢᠮ ᠢᠶᠠᠷ ᠫᠠᠷᠲ᠋ᠢᠽᠠᠨ | ᠲᠠᠶᠢᠨ ᠬᠢᠵᠦ ᠡᠬᠢᠯᠡᠪᠡ᠃ ᠮᠦᠨ ᠵᠢᠯ ᠤᠨ 7 ᠰᠠᠷᠠ ᠳᠤ ᠬᠤᠪᠢᠰᠬᠠᠯ ᠤᠨ ᠴᠡᠷᠢᠭ ᠳ᠋ᠢᠩ ᠪᠢᠶᠠᠨ ᠢ ᠡᠭᠡᠭᠦᠯᠦᠨ ᠠᠪᠣᠭᠰᠠᠨ ᠤ ᠳᠠᠷᠠᠭᠠ᠂ ᠪᠣᠷᠣᠪᠠᠭᠠᠲᠣᠷ ᠳᠣᠮᠳᠠᠳᠣ | ᠣᠯᠣᠰ ᠤᠨ ᠡᠪ ᠬᠠᠮᠲᠣ ᠨᠠᠮ ᠤᠨ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠠᠵᠢᠯᠯᠠᠬᠤ ᠳᠣᠭᠤᠶᠢᠯᠠᠩ ᠲᠠᠢ ᠬᠠᠮᠲᠣ ᠪᠠᠷ ᠣᠳᠤᠭ ᠬᠤᠰᠢᠭᠤᠨ ᠤ ᠪᠤᠷᠤᠪᠠᠯᠭᠠᠰᠣ ᠳᠤ ᠪᠣᠴᠠᠵᠣ | ᠢᠷᠡᠭᠡᠳ᠂ ᠬᠠᠭᠤᠴᠢᠨ ᠨᠦᠬᠦᠳ ᠢᠶᠠᠨ ᠴᠣᠭᠯᠠᠭᠤᠯᠣᠨ᠂ ᠳᠣᠮᠳᠠᠳᠣ ᠣᠯᠣᠰ ᠤᠨ ᠡᠪ ᠬᠠᠮᠲᠣ ᠨᠠᠮ ᠤᠨ ᠶᠡᠭᠡ ᠵᠣᠣ ᠠᠶᠢᠮᠠᠭ ᠤᠨ ᠠᠵᠢᠯᠯᠠᠬᠤ ᠬᠤᠷᠢᠶᠠ ᠶᠢᠨ | ᠴᠡᠷᠢᠭ ᠤᠨ ᠶᠡᠪᠣᠳᠠᠯ ᠤᠨ ᠬᠡᠯᠳᠡᠰ ᠤᠨ ᠣᠳᠣᠷᠢᠳᠣᠯᠭᠠ ᠳᠣᠣᠷᠠᠬᠢ ᠮᠣᠩᠭᠤᠯ ᠬᠢᠳᠠᠳ ᠰᠠᠯᠪᠤᠷᠢ ᠠᠩᠭᠢ ᠶᠢᠨ 3 ᠳ᠋ᠣᠭᠠᠷ ᠶᠡᠭᠡ ᠠᠩᠭᠢ ᠶᠢ ᠪᠠᠶᠢᠭᠤᠯᠵᠤ᠂ | ᠪᠣᠷᠣᠪᠠᠭᠠᠲᠣᠷ ᠶᠡᠭᠡ ᠠᠩᠭᠢ ᠶᠢᠨ ᠳᠠᠷᠤᠭᠠ ᠪᠠᠷ ᠲᠣᠮᠢᠯᠠᠭᠳᠠᠪᠠ᠃ | ᠲᠣᠰ ᠵᠢᠯ ᠤᠨ 9 ᠰᠠᠷᠠ ᠶᠢᠨ ᠳᠣᠮᠳᠠᠴᠢ ᠪᠠᠷ ᠮᠠ ᠬᠤᠩ ᠺᠦᠢ ᠶᠢᠨ ᠴᠡᠷᠢᠭ ᠤᠨ 20 ᠳ᠋ᠣᠭᠠᠷ ᠬᠤᠷᠢᠶᠠ ᠬᠤᠪᠢᠰᠬᠠᠯ ᠤᠨ ᠮᠣᠷᠢᠲᠣ ᠴᠡᠷᠢᠭ ᠤᠨ ᠨᠢᠭᠡ | ᠬᠤᠶᠠᠳᠣᠭᠠᠷ ᠬᠤᠷᠢᠶᠠ ᠣᠷᠣᠭᠤ ᠳᠠᠬᠢᠨᠳᠠ ᠳᠠᠭᠠᠷᠢᠯᠲᠠ ᠶᠠᠪᠣᠭᠤᠯᠵᠣ ᠮᠠᠨ ᠤ ᠴᠡᠷᠢᠭ ᠲᠤ ᠬᠦᠨᠳᠦ ᠶᠡᠭᠡ ᠠᠶᠣᠯ ᠲᠦᠭᠰᠢᠭᠦᠷᠢ ᠣᠴᠠᠷᠠᠭᠤᠯᠣᠭᠰᠠᠨ ᠵᠠᠩᠭᠢᠯᠭᠠ ᠶᠢᠨ | ᠦᠶᠡ ᠳᠤ᠂ ᠪᠣᠷᠣᠪᠠᠭᠠᠲᠣᠷ ᠰᠠᠶᠢᠨ ᠳᠣᠷᠠ ᠠᠴᠠ ᠪᠠᠨ ᠭᠤᠷᠪᠠᠳᠣᠭᠠᠷ ᠶᠡᠭᠡ ᠠᠩᠭᠢ ᠶᠢᠨ ᠨᠦᠬᠦᠳ ᠢᠶᠠᠨ ᠳᠠᠭᠠᠭᠤᠯᠣᠨ ᠳᠠᠶᠢᠰᠣᠨ ᠤ ᠴᠡᠷᠢᠭ ᠲᠠᠢ ᠲᠡᠮᠡᠴᠡᠭᠡᠨ | ᠬᠢᠵᠦ᠂ ᠳᠠᠶᠢᠰᠣᠨ ᠤ ᠴᠡᠷᠢᠭ ᠲᠤ ᠬᠦᠴᠦᠲᠡᠢ ᠴᠣᠬᠢᠯᠲᠠ ᠦᠭᠴᠦ ᠳᠠᠶᠢᠰᠣᠨ ᠤ ᠳᠠᠭᠠᠷᠢᠯᠲᠠ ᠶᠢ ᠳᠠᠬᠢᠨᠲᠠ ᠪᠤᠳᠠ ᠨᠢᠷᠭᠡᠵᠠᠢ᠃ | 1948 ᠣᠨ ᠤ 1 ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠪᠠᠷ ᠮᠣᠩᠭᠤᠯ ᠬᠢᠳᠠᠳ ᠰᠠᠯᠪᠤᠷᠢ ᠠᠩᠭᠢ ᠶᠢ ᠦᠪᠦᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠤᠨ | ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠰᠠᠯᠪᠤᠷᠢ ᠠᠩᠭᠢ ᠪᠤᠯᠭᠠᠨ ᠦᠭᠡᠷᠡᠴᠢᠯᠡᠭᠡᠳ᠂ ᠪᠣᠷᠣᠪᠠᠭᠠᠲᠣᠷ ᠢ ᠱᠲ᠋ᠠᠪ ᠤᠨ ᠳᠠᠷᠤᠭᠠ ᠪᠦᠭᠡᠳ 3 ᠳ᠋ᠣᠭᠠᠷ ᠶᠡᠭᠡ ᠠᠩᠭᠢ ᠶᠢᠨ ᠳᠠᠷᠤᠭᠠ | ᠪᠠᠷ ᠲᠣᠮᠢᠯᠠᠪᠠ᠃ 2 ᠰᠠᠷᠠ ᠳᠤ ᠳᠣᠮᠳᠠᠳᠣ ᠣᠯᠣᠰ ᠤᠨ ᠡᠪ ᠬᠠᠮᠲᠣ ᠨᠠᠮ ᠤᠨ ᠶᠡᠭᠡ ᠵᠣᠣ ᠠᠶᠢᠮᠠᠭ ᠤᠨ ᠠᠵᠢᠯᠯᠠᠬᠤ ᠬᠤᠷᠢᠶᠠ ᠶᠢ ᠶᠡᠭᠡ ᠵᠤᠤ ᠶᠢᠨ ᠵᠡᠭᠦᠨ | ᠪᠠᠷᠠᠭᠤᠨ ᠬᠤᠶᠠᠷ ᠠᠵᠢᠯᠯᠠᠬᠤ ᠬᠤᠷᠢᠶᠠ ᠪᠤᠯᠭᠠᠨ ᠬᠤᠪᠢᠶᠠᠵᠤ᠂ ᠪᠣᠷᠣᠪᠠᠭᠠᠲᠣᠷ ᠢ ᠳᠡᠳ᠋ ᠰᠧᠯᠢᠩ ᠮᠠ ᠹᠦ᠋ ᠭᠠᠩ ᠲᠠᠢ ᠬᠠᠮᠲᠤ ᠪᠠᠷ ᠳᠣᠮᠳᠠᠳᠣ ᠣᠯᠣᠰ ᠤᠨ ᠡᠪ | ᠬᠠᠮᠲᠣ ᠨᠠᠮ ᠤᠨ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠪᠠᠷᠠᠭᠤᠨ ᠬᠡᠰᠡᠭ ᠤᠨ ᠠᠵᠢᠯᠯᠠᠬᠤ ᠬᠤᠷᠢᠶᠠ ᠳᠤ ᠶᠠᠪᠤᠭᠤᠯᠪᠠ᠃ ᠳᠡᠨᠳᠡ ᠬᠦᠷᠦᠭᠰᠡᠨ ᠤ ᠳᠠᠷᠠᠭᠠ ᠪᠤᠷᠤᠪᠠᠭᠠᠲᠣᠷ | ᠳᠣᠮᠳᠠᠳᠣ ᠣᠯᠣᠰ ᠤᠨ ᠡᠪ ᠬᠠᠮᠲᠣ ᠨᠠᠮ ᠤᠨ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠪᠠᠷᠠᠭᠤᠨ ᠬᠡᠰᠡᠭ ᠤᠨ ᠠᠵᠢᠯᠯᠠᠬᠤ ᠳᠣᠭᠤᠶᠢᠯᠠᠩ ᠢ ᠬᠠᠪᠰᠣᠷᠴᠤ᠂ ᠳᠣᠯᠣᠭᠠᠨ ᠰᠤᠮᠤᠨ ᠤ | ᠵᠠᠰᠠᠭ ᠤᠨ ᠭᠠᠵᠠᠷ ᠢ ᠪᠠᠶᠢᠭᠤᠯᠪᠠ᠃ | ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠪᠠᠷᠠᠭᠤᠨ ᠬᠡᠰᠡᠭ ᠭᠠᠵᠠᠷ ᠤᠨ ᠬᠤᠪᠢᠰᠬᠠᠯ ᠤᠨ ᠰᠠᠭᠤᠷᠢᠨ ᠭᠠᠵᠠᠷ ᠢ ᠪᠠᠶᠢᠭᠤᠯᠬᠤ ᠶᠠᠪᠣᠴᠠ ᠳᠤ ᠪᠣᠷᠣᠪᠠᠭᠠᠲᠣᠷ ᠴᠡᠷᠢᠭ | ᠪᠠᠶᠢᠯᠳᠣᠭᠴᠢᠳ ᠤᠨ ᠰᠠᠬᠢᠯᠭᠠ ᠪᠠᠲᠣ ᠶᠢ ᠢᠮᠠᠭᠲᠠ ᠴᠢᠩᠭᠠᠳᠬᠠᠵᠣ᠂ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠢᠶᠠᠨ ᠳᠠᠭᠤᠷᠢᠶᠠᠯ ᠪᠤᠯᠵᠤ ᠠᠷᠠᠳ ᠲᠦᠮᠡᠨ ᠤ ᠭᠠᠴᠢᠭ ᠵᠣᠪᠠᠯᠠᠩ ᠢ | ᠲᠣᠰᠠᠯᠠᠵᠣ᠂ ᠠᠷᠠᠳ ᠣᠯᠠᠨ ᠤ ᠠᠰᠢᠭ ᠲᠣᠰᠠ ᠶᠢ ᠬᠠᠮᠠᠭᠠᠯᠠᠵᠤ ᠶᠠᠪᠣᠵᠠᠢ᠃ ᠲᠡᠷᠡ ᠪᠠᠰᠠ ᠪᠠᠶᠢᠯᠳᠣᠭᠴᠢᠳ ᠲᠠᠢ ᠪᠠᠨ ᠬᠦᠴᠢᠷ ᠵᠤᠪᠠᠯᠠᠩ ᠢᠶᠠᠨ ᠬᠠᠮᠳᠣᠳᠬᠠᠨ᠂ | ᠰᠢᠨᠡ ᠮᠠᠶ᠋ᠢᠭ ᠤᠨ ᠳᠠᠷᠤᠭᠠ ᠪᠠᠶᠢᠯᠳᠣᠭᠴᠢᠳ ᠤᠨ ᠬᠠᠷᠢᠴᠠᠭᠠ ᠶᠢ ᠪᠠᠶᠢᠭᠤᠯᠣᠭᠰᠠᠨ ᠠᠴᠠ ᠲᠡᠭᠦᠨ ᠤ ᠣᠳᠣᠷᠢᠳᠣᠭᠰᠠᠨ ᠴᠡᠷᠢᠭ ᠠᠩᠭᠢ ᠨᠢ ᠣᠯᠣᠰ ᠲᠦᠷᠦ | ᠦᠵᠡᠯ ᠰᠠᠨᠠᠭᠠᠨ ᠤ ᠲᠠᠯᠠ ᠪᠠᠷ ᠶᠡᠬᠡᠳᠡ ᠳᠡᠭᠡᠭᠰᠢᠯᠡᠯᠲᠡ ᠲᠠᠢ ᠪᠤᠯᠤᠭᠰᠠᠨ ᠪᠦᠭᠡᠳ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠪᠠᠷᠠᠭᠤᠨ ᠬᠡᠰᠡᠭ ᠤᠨ ᠬᠤᠪᠢᠰᠬᠠᠯ ᠤᠨ ᠰᠠᠭᠤᠷᠢᠨ | ᠭᠠᠵᠠᠷ ᠤᠨ ᠴᠡᠷᠢᠭ ᠠᠷᠠᠳ ᠤᠨ ᠳᠣᠮᠳᠠ ᠢᠳᠡᠭᠡᠯ ᠬᠦᠨᠳᠦ ᠲᠠᠢ ᠪᠣᠯᠣᠭᠰᠠᠨ ᠪᠠᠶᠢᠪᠠ᠃ | 1948 ᠤᠨ ᠤ 5 ᠰᠠᠷᠠ ᠳᠤ ᠪᠤᠷᠤᠪᠠᠭᠠᠲᠣᠷ 3 ᠳ᠋ᠣᠭᠠᠷ ᠶᠡᠭᠡ ᠠᠩᠭᠢ ᠲᠠᠢ ᠪᠠᠨ ᠦᠦᠰᠢᠨ ᠬᠤᠰᠢᠭᠤᠨ ᠤ ᠡᠮᠦᠨᠡᠲᠦ ᠬᠡᠰᠡᠭ ᠲᠤ ᠰᠠᠨ ᠪᠢᠶᠠᠨ ᠤ | ᠳᠡᠭᠡᠷᠡᠮ ᠵᠠᠩ ᠲᠢᠩ ᡁᠢ ᠶᠢᠨ ᠴᠡᠷᠢᠭ ᠤᠨ ᠳᠣᠪᠳᠣᠯᠣᠯᠲᠠ ᠳᠤ ᠣᠴᠠᠷᠠᠵᠤ᠂ ᠳᠠᠶᠢᠰᠣᠨ ᠲᠠᠢ 5 ᠴᠠᠭ ᠭᠠᠷᠣᠢ ᠲᠡᠮᠡᠴᠡᠯᠳᠦᠭᠡᠳ᠂ ᠳᠠᠶᠢᠰᠣᠨ ᠤ ᠳᠠᠭᠠᠷᠢᠯᠲᠠ ᠶᠢ | ᠪᠠᠶᠢᠨ ᠳᠠᠬᠢᠨ ᠴᠤᠬᠢᠨ ᠣᠬᠤᠷᠢᠭᠤᠯᠵᠣ ᠪᠠᠶᠢᠯᠠ᠃ ᠳᠠᠶᠢᠰᠣᠨ ᠢ ᠲᠣᠶᠢᠯᠪᠣᠷᠢᠲᠠᠢ ᠢᠯᠠᠵᠣ ᠳᠠᠭᠠᠷᠢᠯᠲᠠ ᠶᠢ ᠪᠤᠳᠠ ᠨᠢᠷᠭᠡᠬᠦ ᠭᠡᠪᠡᠯ ᠵᠠᠪᠠᠯ ᠳᠠᠶᠢᠰᠣᠨ ᠤ ᠪᠠᠶᠢᠳᠠᠯ ᠢ | ᠲᠣᠳᠣᠷᠬᠠᠢ ᠣᠶᠢᠯᠠᠭᠠᠬᠤ ᠴᠢᠬᠤᠯᠠᠲᠠᠢ ᠣᠴᠢᠷ ᠠᠴᠠ᠂ ᠪᠣᠷᠣᠪᠠᠭᠠᠲᠣᠷ ᠮᠠᠩᠬᠠᠨ ᠣᠷᠣᠢ ᠳᠡᠭᠡᠷᠡ ᠠᠪᠠᠷᠢᠵᠤ ᠭᠠᠷᠣᠨ ᠳᠣᠷᠠᠨᠳᠠᠵᠣ ᠪᠠᠶᠢᠭᠠᠳ ᠳᠠᠶᠢᠰᠣᠨ ᠤ ᠰᠣᠮᠣᠨ | ᠳᠤ ᠤᠨᠤᠭᠳᠠᠵᠤ ᠨᠠᠰᠣ ᠨᠦᠭᠴᠢᠪᠡ᠂ ᠭᠤᠴᠢᠨ ᠲᠠᠪᠣᠬᠠᠨ ᠨᠠᠰᠣᠲᠠᠢ ᠬᠤᠪᠢᠰᠬᠠᠯᠲᠣ ᠪᠠᠭᠠᠲᠣᠷ᠂ ᠡᠪ ᠬᠠᠮᠲᠣ ᠶᠢᠨ ᠪᠠᠶᠢᠯᠲᠣᠭᠴᠢ ᠪᠣᠷᠣᠪᠠᠭᠠᠲᠣᠷ᠂ ᠠᠷᠠᠳ ᠲᠦᠮᠡᠨ | ᠤ ᠴᠢᠯᠦᠭᠡᠯᠡᠯᠲᠡ ᠶᠢᠨ ᠦᠢᠯᠡᠰ ᠲᠤ ᠬᠠᠯᠠᠭᠤᠨ ᠠᠮᠢ ᠪᠠᠨ ᠬᠠᠷᠠᠮ ᠦᠭᠡᠢ ᠵᠣᠷᠢᠭᠤᠯᠣᠭᠰᠠᠨ ᠶᠣᠮ᠃ | | | ︵ᠡᠬᠡ ᠪᠢᠴᠢᠭ ᠢ ᠣᠷᠳᠣᠰ ᠬᠤᠲᠠ ᠶᠢᠨ ᠳ᠋ᠦᠩᠱᠧᠩ ᠲᠣᠭᠤᠷᠢᠭ ᠤᠨ ᠦᠷᠡᠭᠳᠡᠭᠰᠡᠨ | ᠪᠠᠭᠠᠲᠣᠷᠴᠤᠳ ᠤᠨ ᠤᠩᠭᠤᠨ ᠤ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠭᠠᠵᠠᠷ ᠠᠴᠠ ᠬᠠᠩᠭᠠᠪᠠ︶ | |