| ᠵᠠᠭᠠᠨ ᠪᠤᠯ ᠤᠳᠤᠬᠠᠨ ᠳᠠᠭᠠᠨ ᠲᠡᠯᠡᠭᠡᠢ ᠶᠢᠨ ᠪᠦᠮᠪᠦᠷᠴᠡᠭ ᠲᠡᠭᠡᠷᠡᠬᠢ ᠬᠠᠮᠤᠭ ᠤᠨ ᠲᠤᠮᠤ ᠡᠭᠡ ᠬᠠᠭᠤᠷᠠᠢ ᠳᠤ ᠠᠮᠢᠳᠤᠷᠠᠳᠠᠭ ᠬᠦᠬᠦᠳᠡᠨ ᠠᠮᠢᠳᠠᠨ | ᠪᠤᠯᠤᠨᠠ᠃ ᠵᠠᠭᠠᠨ ᠨᠢ ᠡᠷᠳᠡᠨ ᠠᠴᠠ ᠢᠨᠠᠭᠰᠢ ᠪᠦᠷ ᠦᠯᠵᠡᠢ ᠲᠡᠮᠪᠡᠷᠢᠯ᠂ ᠡ᠊ᠡᠭᠭᠡ ᠲᠠᠶᠢᠪᠤᠡᠭ ᠤᠨ ᠪᠡᠯᠭᠡᠳᠡᠯ ᠪᠤᠯᠤᠭᠰᠠᠭᠠᠷ ᠢᠷᠡᠵᠡᠢ᠃ ᠡᠷᠳᠡᠨ ᠤ ᠨᠤᠮ | ᠰᠤᠳᠤᠷ ᠲᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠢ ᠦᠨᠳᠦᠰᠦᠯᠡᠪᠡᠯ ᠵᠠᠭᠠᠨ ᠨᠢ ᠪᠠᠰᠠ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠦᠷᠬᠦᠯᠵᠢ ᠬᠡᠷᠡᠭᠯᠡᠭᠳᠡᠳᠡᠭ ᠪᠠᠶᠢᠵᠠᠢ᠃ ᠱᠠᠩ ᠤᠯᠤᠰ ᠵᠧᠤ | ᠤᠯᠤᠰ ᠤᠨ ᠦᠶᠡ ᠳᠤ ᠵᠠᠭᠠᠨ ᠬᠡᠯᠪᠡᠷᠢ ᠲᠠᠢ ᠠᠷᠢᠬᠢ ᠠᠭᠤᠯᠬᠤ ᠰᠠᠪᠠ ᠪᠤᠯ ᠬᠡᠯᠪᠡᠷᠢ ᠲᠦᠷᠰᠦ᠂ ᠬᠡ ᠤᠭᠠᠯᠵᠠ ᠪᠠᠷ ᠢᠶᠠᠨ ᠬᠠᠮᠤᠭ ᠠᠴᠠ ᠤᠨᠴᠠᠭᠠᠢᠢᠷᠠᠭᠰᠠᠨ | ᠬᠦᠷᠡᠯ ᠪᠠᠭᠠᠵᠢ ᠪᠠᠶᠢᠵᠤ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠲᠠᠶᠢᠯᠭᠠ ᠲᠠᠬᠢᠯᠭᠠ ᠶᠢᠨ ᠲᠤᠮᠳᠠ ᠠᠷᠢᠬᠢ ᠰᠠᠪᠠᠯᠠᠬᠤ ᠶᠤᠰᠤᠯᠠᠯ ᠤᠨ ᠪᠠᠭᠠᠵᠢ ᠶᠢᠨ ᠨᠢᠭᠡ ᠪᠠᠷ ᠬᠡᠷᠡᠭᠯᠡᠭᠳᠡᠵᠤ | ᠪᠠᠶᠢᠭᠰᠠᠨ ᠶᠤᠮ᠃ ᠡᠶᠢᠮᠦᠷᠬᠦᠤ ᠬᠦᠷᠡᠯ ᠪᠠᠭᠠᠵᠢ ᠨᠢ ᠵᠠᠭᠠᠨ ᠢ ᠲᠠᠭᠤᠷᠢᠶᠠᠵᠤ ᠬᠢᠭᠰᠡᠨ ᠤᠴᠢᠷ ᠠᠴᠠ ᠲᠦᠷᠢ ᠲᠦᠷᠬᠦ ᠨᠢ ᠠᠮᠢᠳᠤᠯᠢᠭ᠂ ᠬᠢᠴᠡ ᠨᠢ ᠨᠠᠷᠢᠯᠢᠭ | ᠪᠠᠶᠢᠳᠠᠭ᠃ ᠵᠠᠭᠠᠨ ᠬᠡᠯᠪᠡᠷᠢ ᠲᠠᠢ ᠰᠠᠪᠠ ᠬᠡᠷᠡᠭᠰᠡᠯ ᠨᠢ ᠮᠠᠨ ᠤ ᠤᠯᠤᠰ ᠤᠨ ᠡᠷᠳᠡᠨ ᠤ ᠦᠶᠡ ᠶᠢᠨ ᠲᠠᠪᠳᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠮᠡᠷᠭᠡᠵᠢᠯ ᠬᠢᠭᠡᠳ ᠤᠷᠠᠯᠢᠭ ᠤᠨ | ᠡᠭᠦᠳᠦᠨ ᠪᠦᠳᠦᠭᠡᠯᠳᠡ ᠶᠢᠨ ᠬᠢᠷᠢ ᠲᠦᠪᠰᠢᠨ ᠨᠡᠯᠢᠶᠡᠳ ᠦᠨᠳᠦᠷ ᠬᠢᠷᠢ ᠬᠡᠮᠵᠢᠶᠡᠨ ᠳᠤ ᠬᠦᠷᠦᠭᠰᠡᠨ ᠢ ᠬᠠᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠬᠠᠮᠢᠶᠠ ᠪᠦᠬᠦᠢ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢ ᠦᠨᠳᠦᠰᠦᠯᠡᠪᠡᠯ᠂ ᠤᠳᠤᠬᠠᠨ ᠳᠤ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠮᠦᠽᠧᠢ ᠳᠤ | ᠬᠤᠷᠢᠶᠠᠨ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠠ ᠬᠦᠷᠡᠯ ᠬᠢᠴᠡ ᠲᠠᠢ ᠵᠠᠭᠠᠨ ᠤ ᠬᠡᠯᠪᠡᠷᠢᠳᠤ ᠠᠷᠢᠬᠢ ᠠᠭᠤᠯᠬᠤ ᠰᠠᠪᠠ ᠨᠡᠶᠢᠳᠡ 5 ᠪᠤᠢ᠂ ᠡᠭᠦᠨ ᠳᠤ 3 ᠨᠢ ᠱᠠᠩ ᠤᠯᠤᠰ ᠤᠨ | ᠦᠶᠡ ᠳᠤ ᠵᠤᠬᠢᠶᠠᠭᠳᠠᠭᠰᠠᠨ ᠪᠠᠶᠢᠨᠠ᠂ ᠡᠨᠡ ᠨᠢ ᠪᠠᠷᠤᠭ ᠱᠠᠩ ᠤᠯᠤᠰ ᠤᠨ ᠬᠦᠮᠦᠨ ᠡᠮᠦᠨᠡᠰᠢ ᠨᠡᠭᠦᠬᠦ ᠦᠶᠡ ᠶᠢᠨ ᠬᠡᠷᠡᠴᠢ ᠪᠤᠯᠤᠨᠠ᠃ ᠡᠶᠢᠮᠦᠷᠬᠦᠤ ᠬᠦᠷᠡᠯ | ᠵᠠᠭᠠᠨ ᠨᠢ ᠠᠭᠤᠯᠠ ᠬᠠᠶᠢᠷᠬᠠᠨ ᠤ ᠲᠤᠮᠳᠠ ᠲᠠᠷᠬᠠᠵᠤ ᠪᠠᠶᠢᠳᠠᠭ ᠠᠴᠠ ᠲᠡᠤᠭᠡᠨ ᠲᠤᠷᠠᠰᠬᠠᠯᠳᠤ ᠵᠦᠢᠯᠡᠰ ᠤᠨ ᠬᠠᠭᠤᠴᠢ ᠰᠤᠳᠤᠯᠤᠯ ᠤᠨ ᠬᠦᠷᠢᠶᠡᠨ ᠳᠠᠬᠢ ᠤᠷᠳᠤ | ᠬᠤᠭᠤᠴᠠᠭᠠ ᠪᠠᠷ ᠰᠤᠳᠤᠯᠤᠭᠤᠰᠢᠳᠠᠢ ᠬᠦᠴᠢᠷ ᠠᠰᠠᠭᠤᠳᠠᠯ ᠤᠨ ᠨᠢᠭᠡ ᠪᠤᠯᠵᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠪᠠᠷᠠᠭᠤᠨ ᠵᠧᠤ ᠤᠯᠤᠰ ᠤᠨ ᠵᠠᠭᠠᠨ ᠬᠡᠯᠪᠡᠷᠢ ᠲᠠᠢ ᠠᠷᠢᠬᠢ | ᠠᠭᠤᠯᠬᠤ ᠰᠠᠪᠠ ᠪᠠ ᠴᠠᠭ ᠦᠶᠡ ᠨᠢ ᠲᠤᠳᠤᠷᠬᠠᠢ ᠪᠤᠰᠤ ᠵᠠᠭᠠᠨ ᠬᠡᠯᠪᠡᠷᠢ ᠲᠠᠢ ᠠᠷᠢᠬᠢ ᠠᠭᠤᠯᠬᠤ ᠰᠠᠪᠠ ᠨᠢ ᠴᠤ ᠪᠦᠷ ᠮᠦᠽᠧᠢ ᠶᠢ ᠲᠤᠭᠳᠠᠭᠠᠬᠤ ᠡᠷᠳᠡᠨᠢ | ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠱᠠᠩ ᠤᠯᠤᠰ ᠤᠨ ᠬᠦᠷᠡᠯ ᠵᠠᠭᠠᠨ ᠤ ᠲᠤᠳᠤᠷᠠ᠂ 1975 ᠤᠨ ᠳᠤ ᠬᠤᠨᠠᠨ ᠮᠤᠵᠢ ᠠᠴᠠ ᠮᠠᠯᠳᠠᠵᠤ ᠭᠠᠷᠭᠠᠭᠰᠠᠨ ᠵᠠᠭᠠᠨ ᠨᠢ ᠬᠠᠮᠤᠭ ᠤᠨ ᠬᠤᠪᠤᠷ ᠨᠠᠨᠳᠢᠨ | ︵ᠵᠢᠷᠤᠭ ᠨᠢᠭᠡ︶ ᠪᠤᠯᠤᠨᠠ᠃ ᠤᠳᠤᠬᠠᠨ ᠳᠤ ᠬᠤᠨᠠᠨ ᠮᠤᠵᠢ ᠶᠢᠨ ᠮᠦᠽᠧᠢ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠨᠠ᠃ ᠲᠡᠭᠦᠨ ᠤ ᠦᠨᠳᠦᠷ ᠨᠢ 22.8 ᠰᠡᠨᠲ᠋ᠢᠮᠧᠲᠷ᠂ | ᠤᠷᠳᠤ ᠨᠢ 26.5 ᠰᠡᠨᠲ᠋ᠢᠮᠧᠲᠷ᠂ ᠵᠠᠭᠠᠨ ᠤ ᠨᠢᠷᠤᠭᠤᠨ ᠳᠤ ᠪᠦᠭᠡᠷᠡᠩᠭᠡᠢ ᠬᠡᠯᠪᠡᠷᠢᠳᠤ ᠰᠠᠪᠠ ᠶᠢᠨ ᠠᠮᠠᠰᠠᠷ ᠪᠠᠶᠢᠵᠤ᠂ ᠬᠠᠪᠬᠠᠭᠠᠰᠤ ᠨᠢ ᠤᠯᠳᠠᠬᠤ ᠪᠠᠨ ᠪᠤᠯᠢᠵᠠᠢ᠃ | ᠵᠠᠭᠠᠨ ᠤ ᠪᠦᠬᠦ᠋ᠢᠯᠡ ᠴᠤᠭᠴᠠ ᠶᠢᠨ ᠪᠠᠶᠢᠳᠠᠯ ᠨᠢ ᠦᠨᠡᠨ ᠪᠤᠳᠠᠳᠠᠢ᠂ ᠨᠢᠭᠡ ᠵᠠᠯᠠᠭᠤ ᠡᠷᠡ ᠵᠠᠭᠠᠨ ᠬᠦᠶᠦᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠬᠡᠨᠡᠳᠳᠡ ᠪᠠᠷ ᠵᠤᠭᠰᠤᠵᠤ᠂ ᠤᠷᠳᠤ | ᠬᠠᠮᠠᠷ ᠢᠶᠠᠨ ᠡᠮᠦᠨᠡᠰᠢ ᠰᠤᠩᠭᠠᠨ ᠰᠠᠵᠢᠯᠠᠭᠰᠠᠨ ᠪᠠᠶᠢᠳᠠᠯ ᠲᠠᠢ᠃ ᠵᠠᠭᠠᠨ ᠤ ᠪᠡᠶᠡ ᠲᠡᠭᠡᠷᠡᠬᠢ ᠨᠠᠷᠢᠨ ᠬᠡ ᠤᠭᠠᠯᠵᠠ ᠪᠤᠯ ᠤᠷᠠᠨ ᠲᠠᠷᠬᠠᠳ ᠤᠨ ᠰᠡᠳᠬᠢᠯᠴᠢᠯᠡᠨ | ᠵᠤᠬᠢᠶᠠᠭᠰᠠᠨ ᠵᠦᠢᠯᠡᠰ ᠪᠤᠯᠤᠨᠠ᠃ ᠵᠠᠭᠠᠨ ᠤ ᠭᠠᠳᠠᠷ ᠲᠠᠯᠠ ᠳᠤᠨᠢ ᠡᠭᠦᠯᠡᠨ ᠬᠡ ᠪᠠ ᠠᠶᠤᠩᠭᠠ ᠬᠡᠯᠪᠡᠷᠢᠳᠤ ᠬᠡ ᠤᠷᠠᠯᠠᠵᠠᠢ︔ ᠵᠠᠭᠠᠨ ᠤ ᠬᠠᠮᠠᠷ ᠢ ᠭᠠᠷᠤᠳᠢ | ᠰᠢᠪᠠᠭᠤᠨ ᠤ ᠬᠡᠯᠪᠡᠷᠢ ᠲᠠᠢ ᠵᠤᠬᠢᠶᠠᠵᠤ᠂ ᠲᠡᠭᠡᠷᠡ ᠨᠢ ᠨᠢᠭᠡ ᠪᠠᠷᠰ ᠬᠡᠪᠳᠡᠭᠰᠡᠨ ᠪᠠᠶᠢᠨᠠ︔ ᠵᠠᠭᠠᠨ ᠤ ᠪᠡᠶᠡ ᠲᠡᠭᠡᠷᠡ ᠠᠷᠢᠶᠠᠳᠠᠨ ᠤ ᠲᠦᠷᠢ ᠲᠠᠢ᠂ ᠯᠤᠤ᠂ ᠪᠠᠷᠰ | ᠵᠢᠴᠢ ᠯᠤᠤ ᠶᠢᠨ ᠲᠤᠯᠤᠭᠠᠢ ᠲᠠᠢ ᠮᠤᠭᠠᠢ ᠶᠢᠨ ᠪᠡᠶᠡ ᠲᠠᠢ ᠬᠤᠪᠢᠯᠭᠠᠨ ᠠᠷᠢᠶᠠᠳᠠᠨ ᠢ ᠤᠷᠠᠯᠠᠵᠠᠢ᠃ ᠬᠡ ᠤᠭᠠᠯᠵᠠ ᠨᠢ ᠮᠠᠰᠢ ᠨᠠᠷᠢᠯᠢᠭ᠂ ᠰᠢᠨᠵᠢᠵᠤ ᠬᠠᠷᠠᠬᠤ ᠳᠤ | ᠰᠠᠶᠢᠬᠠᠨ ᠪᠠᠶᠢᠯᠠ᠃ ᠡᠨᠡ ᠪᠤᠯ ᠤᠳᠤᠬᠠᠨ ᠳᠤ ᠢᠯᠡᠷᠡᠬᠦᠯᠦᠭᠰᠡᠨ ᠬᠦᠷᠡᠯ ᠵᠠᠭᠠᠨ ᠤ ᠲᠤᠳᠤᠷᠠᠬᠢ ᠴᠤᠷ ᠤᠨ ᠭᠠᠭᠴᠠ ᠲᠤᠳᠤᠷᠬᠠᠢ ᠮᠠᠯᠳᠠᠭᠰᠠᠨ ᠭᠠᠵᠠᠷ ᠤᠷᠤᠨ ᠲᠠᠢ | ᠱᠠᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠬᠦᠷᠡᠯ ᠰᠠᠪᠠ ᠬᠡᠷᠡᠭᠰᠡᠯ᠂ ᠮᠦᠨ ᠴᠤ ᠬᠡᠯᠪᠡᠷᠢ ᠲᠦᠷᠰᠦ ᠨᠢ ᠬᠠᠮᠤᠭ ᠤᠨ ᠠᠮᠢᠳᠤᠯᠢᠭ᠂ ᠬᠠᠮᠤᠭ ᠤᠨ ᠭᠤᠶᠢᠳᠠ ᠰᠠᠶᠢᠬᠠᠨ | ᠠᠷᠢᠶᠠᠳᠠᠨ ᠤ ᠬᠡᠯᠪᠡᠷᠢ ᠲᠠᠢ ᠰᠠᠪᠠ ᠬᠡᠷᠡᠭᠰᠡᠯ ᠤᠨ ᠨᠢᠭᠡ ᠪᠤᠯᠤᠨᠠ᠃ | ᠤᠳᠤᠬᠠᠨ ᠳᠤ ᠢᠯᠡᠷᠡᠬᠦᠯᠦᠭᠰᠡᠨ ᠬᠦᠷᠡᠯ ᠵᠠᠭᠠᠨ ᠤ ᠲᠤᠳᠤᠷᠠᠬᠢ ᠴᠤᠷ ᠤᠨ ᠭᠠᠭᠴᠠ ᠪᠦᠷᠢᠨ ᠪᠦᠳᠦᠨ ᠢᠶᠠᠷ ᠢᠶᠠᠨ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭᠠ ᠨᠢ ᠬᠡᠪᠡᠯ | ᠠᠮᠧᠷᠢᠺᠠ ᠶᠢᠨ ᠸᠠᠰᠢᠩᠲ᠋ᠤᠨ ᠤ ᠨᠢᠭᠡᠨ ᠤᠷᠠᠨ ᠵᠢᠷᠤᠭ ᠤᠨ ᠤᠷᠳᠤᠨ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭᠠ ︽ᠱᠠᠩ ᠤᠯᠤᠰ ᠤᠨ ᠯᠤᠤ ᠶᠢᠨ ᠤᠭᠠᠯᠵᠠ ᠲᠠᠢ ᠵᠠᠭᠠᠨ | ᠬᠡᠯᠪᠡᠷᠢᠳᠤ ᠠᠷᠢᠬᠢ ᠠᠭᠤᠯᠬᠤ ᠰᠠᠪᠠ︾ ︵ᠵᠢᠷᠤᠭ ᠬᠤᠶᠠᠷ︶ ᠪᠤᠯᠤᠨᠠ᠃ ᠲᠤᠰ ᠬᠦᠷᠡᠯ ᠵᠠᠭᠠᠨ ᠤ ᠦᠨᠳᠦᠷ ᠨᠢ 17.5 ᠰᠠᠡᠲ᠋ᠢᠮᠧᠲᠷ᠂ ᠤᠷᠳᠤ ᠨᠢ 21.2 | ᠰᠠᠨᠲ᠋ᠢᠮᠧᠲᠷ᠂ ᠪᠡᠶᠡ ᠪᠠᠶᠢᠳᠠᠯ ᠨᠢ ᠮᠢᠬᠠᠯᠢᠭ ᠰᠠᠶᠢᠬᠠᠨ᠂ ᠬᠠᠮᠠᠷ ᠨᠢ ᠮᠤᠷᠦ᠋ᠢᠵᠤ᠂ ᠵᠠᠭᠠᠨ ᠤ ᠨᠢᠷᠤᠭᠤᠨ ᠲᠡᠭᠡᠷᠡ ᠪᠠᠨ ᠠᠮᠠᠰᠠᠷ ᠲᠠᠢ᠂ ᠲᠠᠭᠯᠠᠭᠠ ᠨᠢ ᠯᠤᠤ ᠶᠢᠨ | ᠤᠭᠠᠯᠵᠠ ᠲᠠᠢ ᠮᠦᠷᠳᠡᠭᠡᠨ ᠨᠢᠭᠡ ᠵᠢᠵᠢᠭ ᠵᠠᠭᠠᠨ ᠢᠶᠠᠷ ᠪᠠᠷᠢᠭᠤᠯ ᠪᠤᠯᠭᠠᠵᠠᠢ᠃ ᠬᠠᠮᠠᠷ ᠲᠤᠨᠢ ᠬᠠᠶᠢᠷᠰᠤᠨ ᠤᠭᠠᠯᠵᠠ ᠰᠡᠶᠢᠯᠵᠤ᠂ ᠵᠠᠭᠠᠨ ᠤ ᠪᠡᠶᠡ ᠳᠤ ᠪᠦᠷ | ᠯᠤᠤ ᠶᠢᠨ ᠤᠭᠠᠯᠵᠠ᠂ ᠡᠭᠦᠯᠡᠨ ᠬᠡ᠂ ᠠᠶᠤᠩᠭᠠ ᠬᠡᠯᠪᠡᠷᠢᠳᠤ ᠬᠡ ᠤᠭᠠᠯᠵᠠ ᠵᠢᠴᠢ ᠴᠡᠴᠡᠭ ᠬᠤᠸᠠᠷ ᠤᠨ ᠤᠭᠠᠯᠵᠠ ᠰᠡᠶᠢᠯᠵᠡᠢ᠃ ᠵᠠᠭᠠᠨ ᠤ ᠬᠦᠯ ᠳᠤᠨᠢ | ᠠᠷᠢᠶᠠᠳᠠᠨ ᠤ ᠨᠢᠭᠤᠷ ᠤᠨ ᠲᠦᠷᠰᠦ ᠲᠠᠢ ᠤᠭᠠᠯᠵᠠ ᠰᠡᠶᠢᠯᠦᠭᠰᠡᠨ ᠪᠠᠶᠢᠨᠠ᠃ | ᠱᠠᠩ ᠤᠯᠤᠰ ᠤᠨ 3 ᠬᠦᠷᠡᠯ ᠵᠠᠭᠠᠨ ᠤ ᠲᠤᠮᠳᠠ ᠴᠠᠭ ᠦᠶᠡ ᠪᠠᠷ ᠬᠠᠮᠤᠭ ᠡᠷᠳᠡ᠂ ᠪᠡᠶᠡ ᠪᠠᠷ ᠬᠠᠮᠤᠭ ᠲᠤᠮᠤ ᠰᠠᠪᠠ ᠬᠡᠷᠡᠭᠰᠡᠯ ᠪᠤᠯ ᠹᠷᠠᠨᠼᠢ ᠶᠢᠨ ᠫᠠᠷᠢᠰ | ᠬᠤᠳᠠ ᠶᠢᠨ ᠨᠢᠭᠡᠨ ᠤᠷᠠᠯᠢᠭ ᠤᠨ ᠮᠦᠽᠧᠢ ᠳᠤ ᠬᠤᠷᠢᠶᠠᠨ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠠ ︽ᠶᠢᠨ ᠱᠠᠩ ᠤᠨ ᠵᠠᠭᠠᠨ ᠬᠡᠯᠪᠡᠷᠢ ᠲᠠᠢ ᠠᠷᠢᠬᠢ ᠠᠭᠤᠯᠬᠤ ᠰᠠᠪᠠ︾ ︵ᠵᠢᠷᠤᠭ | ᠭᠤᠷᠪᠠ︶ ᠪᠤᠯᠤᠨᠠ᠃ 1903 ᠤᠨ ᠳᠤ ᠹᠷᠠᠨᠼᠢ ᠶᠢᠨ ᠬᠡᠷᠭᠡᠮᠳᠡᠨ ᠠᠴᠠ 3000 ᠹᠷᠠᠩᠺ ᠢᠶᠠᠷ ᠬᠤᠳᠠᠯᠳᠤᠨ ᠠᠪᠴᠠᠢ᠂ ᠲᠤᠰ ᠵᠢᠯ ᠳᠡᠭᠡᠨ ᠹᠷᠠᠨᠼᠢ | ᠤᠯᠤᠰ ᠲᠠᠭᠠᠨ ᠡᠷᠬᠦᠭᠰᠡᠨ ᠪᠠᠶᠢᠨᠠ᠃ 1911 ᠤᠨ ᠳᠤ ᠯᠤᠧᠷ ᠤᠷᠳᠤᠨ ᠳᠤ ᠬᠤᠷᠢᠶᠠᠵᠤ᠂ 1945 ᠤᠨ ᠳᠤ ᠤᠷᠠᠯᠢᠭ ᠤᠨ ᠮᠦᠽᠧᠢ ᠳᠤ ᠰᠢᠯᠵᠢᠬᠦᠯᠵᠤ | ᠬᠠᠳᠠᠭᠠᠯᠠᠭᠰᠠᠨ ᠪᠠᠶᠢᠨᠠ᠃ ᠲᠤᠰ ᠬᠦᠷᠡᠯ ᠵᠠᠭᠠᠨ ᠤ ᠦᠨᠳᠦᠷ ᠨᠢ 61.5 ᠰᠡᠨᠲ᠋ᠢᠮᠧᠲᠷ᠂ ᠤᠷᠳᠤ ᠨᠢ 96 ᠰᠠᠨᠲ᠋ᠢᠮᠧᠲᠷ᠂ ᠤᠳᠤᠬᠠᠨ ᠤ ᠠᠮᠢᠳᠠᠨ ᠤ ᠲᠦᠷᠢ ᠲᠠᠢ | ᠰᠠᠪᠠ ᠬᠡᠷᠡᠭᠰᠡᠯ ᠤᠨ ᠲᠤᠳᠤᠷᠠᠬᠢ ᠬᠠᠮᠤᠭ ᠲᠤᠮᠤ ᠨᠢ ᠪᠤᠯᠤᠨᠠ᠃ ᠡᠨᠡ ᠬᠦ ᠵᠠᠭᠠᠨ ᠨᠢ ᠬᠦᠭᠡ ᠬᠠᠷᠠ ᠦᠡᠭᠭᠡ ᠲᠠᠢ᠂ ᠰᠠᠪᠠ ᠶᠢᠨ ᠬᠠᠨᠠ ᠨᠢ ᠬᠠᠷᠢᠴᠠᠩᠭᠤᠢ ᠨᠢᠮᠭᠡᠨ᠃ | ᠵᠠᠭᠠᠨ ᠨᠢ ᠬᠠᠮᠠᠷ ᠢᠶᠠᠨ ᠪᠠᠭ᠋ᠠᠨ ᠲᠤᠷᠤᠭᠰᠢ ᠰᠤᠩᠭᠠᠵᠤ᠂ ᠬᠤᠶᠠᠷ ᠴᠢᠬᠢ ᠪᠠᠨ ᠬᠦᠨᠳᠡᠯᠡᠨ ᠢᠶᠠᠷ ᠲᠠᠯᠭᠡᠵᠤ᠂ ᠰᠡᠭᠦᠯ ᠢᠶᠠᠨ ᠪᠠᠷᠠᠭᠤᠨᠰᠢ ᠤᠷᠢᠶᠠᠯᠳᠤᠭᠤᠯᠤᠨ | ᠵᠤᠭᠰᠤᠵᠤ ᠪᠠᠶᠢᠯᠠ᠃ ᠰᠠᠪᠠ ᠶᠢᠨ ᠠᠮᠠᠰᠠᠷ ᠢ ᠮᠦᠨ ᠴᠤ ᠵᠠᠭᠠᠨ ᠤ ᠨᠢᠷᠤᠭᠤᠨ ᠳᠤ ᠭᠠᠷᠭᠠᠵᠠᠢ᠂ ᠲᠠᠭᠯᠠᠭᠠ ᠨᠢ ᠤᠯᠳᠠᠭᠰᠠᠨ ᠦᠭᠡᠢ᠃ ᠵᠠᠭᠠᠨ ᠤ ᠬᠡᠪᠡᠯᠢ ᠶᠢᠨ | ᠬᠤᠶᠠᠷ ᠲᠠᠯᠠ ᠳᠤ ᠡᠪᠡᠷᠳᠤ ᠬᠦᠷᠦᠭᠡᠰᠦ ᠶᠢᠨ ᠬᠡ ᠤᠭᠠᠯᠵᠠ ᠰᠡᠶᠢᠯᠵᠤ᠂ ᠬᠤᠶᠠᠷ ᠲᠠᠯᠠ ᠳᠤᠨᠢ ᠡᠪᠡᠰᠦᠨ ᠯᠤᠤ ᠶᠢᠨ ᠤᠭᠠᠯᠵᠠ ᠤᠷᠠᠯᠠᠵᠤ᠂ ᠬᠠᠵᠠᠭᠤ ᠪᠠᠷ ᠨᠢ ᠪᠠᠰᠠ | ᠡᠭᠦᠯᠡᠨ ᠬᠡ ᠪᠠ ᠠᠶᠤᠩᠭᠠ ᠬᠡᠯᠪᠡᠷᠢ ᠲᠠᠢ ᠬᠡ ᠤᠭᠠᠯᠵᠠ ᠰᠡᠶᠢᠯᠵᠡᠢ᠃ ᠵᠠᠭᠠᠨ ᠤ ᠬᠠᠮᠠᠷ᠂ ᠲᠦᠷᠪᠡᠨ ᠮᠦᠴᠢ ᠪᠠ ᠰᠠᠪᠠ ᠶᠢᠨ ᠠᠮᠠᠰᠠᠷ ᠤᠨ ᠬᠠᠪᠢ ᠪᠠᠷ ᠬᠠᠶᠢᠷᠰᠤᠨ | ᠤᠭᠠᠯᠵᠠ ᠵᠢᠷᠤᠵᠤ ᠰᠡᠶᠢᠯᠦᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠬᠦ ᠵᠠᠭᠠᠨ ᠤ ᠲᠦᠷᠢ ᠪᠠᠶᠢᠳᠠᠯ ᠨᠢ ᠮᠠᠰᠢ ᠬᠦᠭᠡᠷᠦᠬᠦᠨ ᠪᠠᠶᠢᠯᠠ᠃ | ᠤᠳᠤᠬᠠᠨ ᠪᠤᠯᠳᠠᠯᠠ ᠢᠯᠡᠷᠡᠬᠦᠯᠦᠭᠰᠡᠨ ᠪᠠᠷᠠᠭᠤᠨ ᠵᠧᠤ ᠶᠢᠨ ᠬᠦᠷᠡᠯ ᠵᠠᠭᠠᠨ ᠤ ᠬᠡᠯᠪᠡᠷᠢ ᠲᠠᠢ ᠰᠠᠪᠠ ᠬᠡᠷᠡᠭᠰᠡᠯ ᠤᠨ ᠲᠤᠳᠤᠷᠠ ᠪᠠᠷᠠᠭᠤᠨ ᠵᠧᠤ ᠤᠯᠤᠰ ᠤᠨ | ᠲᠤᠮᠳᠠᠴᠢ ᠦᠶᠡ ᠶᠢᠨ ︽ᠰᠢᠪᠠᠭᠤᠨ ᠤᠭᠠᠯᠵᠠ ᠲᠠᠢ ᠵᠠᠭᠠᠨ ᠬᠡᠯᠪᠡᠷᠢᠳᠤ ᠠᠷᠢᠬᠢ ᠠᠭᠤᠯᠬᠤ ᠰᠠᠪᠠ︾ ︵ᠵᠢᠷᠤᠭ ᠲᠦᠷᠪᠡ︶ ᠪᠤᠯ ᠴᠤᠷ ᠤᠨ ᠭᠠᠭᠴᠠ ᠲᠤᠳᠤᠷᠬᠠᠢ | ᠮᠠᠯᠳᠠᠭᠰᠠᠨ ᠭᠠᠵᠠᠷ ᠤᠷᠤᠨ ᠲᠠᠢ ᠠᠷᠢᠬᠢ ᠠᠭᠤᠯᠬᠤ ᠰᠠᠪᠠ ᠪᠤᠯᠤᠨᠠ᠃ 1975 ᠤᠨ ᠳᠤ ᠱᠠᠨᠰᠢ ᠮᠤᠵᠢ ᠶᠢᠨ ᠪᠤᠤ ᠵᠢᠢ ᠬᠤᠳᠠ ᠶᠢᠨ ᠷᠦ᠋ ᠵᠢᠶᠠ ᠵᠤᠸᠠᠩ ᠤᠨ | ᠨᠢᠭᠡᠳᠦᠭᠡᠷ ᠨᠤᠮᠧᠷᠳᠤ ᠤᠡᠭᠭᠤᠨ ᠠᠴᠠ ᠮᠠᠯᠳᠠᠨ ᠭᠠᠷᠭᠠᠵᠤ᠂ ᠤᠳᠤ ᠱᠠᠨᠰᠢ ᠮᠤᠵᠢ ᠶᠢᠨ ᠪᠤᠤ ᠵᠢᠢ ᠬᠤᠳᠠ ᠶᠢᠨ ᠬᠦᠷᠡᠯ ᠪᠠᠭᠠᠵᠢ ᠶᠢᠨ ᠮᠦᠽᠧᠢ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ | ᠪᠠᠶᠢᠨᠠ᠃ ᠱᠠᠩ ᠤᠯᠤᠰ ᠤᠨ ᠡᠬᠢᠨ᠂ ᠲᠤᠮᠳᠠᠴᠢ ᠪᠠᠷ ᠬᠦᠷᠡᠯ ᠪᠠᠭᠠᠵᠢ ᠶᠢᠨ ᠲᠡᠭᠡᠷᠡ ᠰᠢᠪᠠᠭᠤᠨ ᠤ ᠤᠭᠠᠯᠵᠠ ᠨᠢ ᠲᠤᠰᠠᠯᠠᠬᠤ ᠴᠢᠨᠠᠷᠳᠠᠢ ᠤᠭᠠᠯᠵᠠ ᠪᠤᠯᠵᠤ | ᠪᠠᠶᠢᠵᠠᠢ᠂ ᠵᠧᠤ ᠤᠯᠤᠰ ᠤᠨ ᠦᠶᠡ ᠶᠢᠨ ᠬᠦᠮᠦᠰ ᠭᠠᠷᠤᠳᠢ ᠰᠢᠪᠠᠭᠤ ᠶᠢ ᠦᠯᠵᠡᠢ ᠲᠡᠮᠪᠡᠷᠢᠯ ᠲᠠᠢ ᠬᠡᠵᠤ ᠦᠵᠡᠳᠡᠭ ᠠᠴᠠ ᠪᠠᠷᠠᠭᠤᠨ ᠵᠧᠤ ᠠᠴᠠ ᠰᠡᠬᠦᠯᠡᠷ ᠭᠠᠷᠤᠳᠢ | ᠰᠢᠪᠠᠭᠤ ᠨᠢ ᠬᠦᠷᠡᠯ ᠪᠠᠭᠠᠵᠢ ᠶᠢᠨ ᠭᠤᠤᠯ ᠪᠤᠯᠬᠤ ᠤᠭᠠᠯᠵᠠ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠲᠤᠰ ᠰᠢᠪᠠᠭᠤᠨ ᠤᠭᠠᠯᠵᠠ ᠲᠠᠢ ᠵᠠᠭᠠᠨ ᠬᠡᠯᠪᠡᠷᠢᠳᠤ ᠠᠷᠢᠬᠢ ᠠᠭᠤᠯᠬᠤ | ᠰᠠᠪᠠ ᠶᠢᠨ ᠦᠨᠳᠦᠷ ᠨᠢ 23.6 ᠰᠠᠨᠲ᠋ᠢᠮᠧᠲᠷ᠂ ᠤᠷᠳᠤ ᠨᠢ 37.8 ᠰᠡᠨᠲ᠋ᠢᠮᠧᠲᠷ᠃ ᠨᠢᠷᠤᠭᠤᠨ ᠳᠠᠭᠠᠨ ᠤᠷᠳᠤ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢᠳᠡᠢ ᠠᠮᠠᠰᠠᠷ ᠪᠠᠶᠢᠵᠤ᠂ | ᠲᠠᠭᠯᠠᠭᠠ ᠳᠤᠨᠢ ᠬᠤᠶᠠᠷ ᠴᠠᠭᠠᠷᠢᠭ ᠪᠠᠷᠢᠭᠤᠯ ᠤᠷᠤᠭᠤᠯᠵᠤ᠂ ᠬᠢᠨᠵᠢ ᠪᠠᠷ ᠰᠠᠪᠠ ᠲᠠᠢ ᠪᠠᠨ ᠬᠤᠯᠪᠤᠯᠳᠤᠵᠠᠢ᠃ ᠲᠡᠭᠦᠨ ᠤ ᠬᠡᠯᠪᠡᠷᠢ ᠲᠦᠷᠰᠦ᠂ ᠬᠡ ᠤᠭᠠᠯᠵᠠ ᠶᠢᠨ | ᠬᠡᠪ ᠨᠠᠮᠪᠠ ᠨᠢ ᠱᠠᠩ ᠤᠯᠤᠰ ᠤᠨ ᠬᠦᠷᠡᠯ ᠵᠠᠭᠠᠨ ᠬᠡᠯᠪᠡᠷᠢᠳᠤ ᠠᠷᠢᠬᠢ ᠠᠭᠤᠯᠬᠤ ᠰᠠᠪᠠ ᠲᠠᠢ ᠶᠡᠭᠡ ᠵᠦᠷᠢᠶᠡᠨ ᠲᠠᠢ ᠪᠠᠶᠢᠵᠤ᠂ ᠦᠪᠡᠷ ᠤᠨ ᠢᠶᠠᠨ ᠤᠨᠴᠠᠯᠢᠭ ᠲᠠᠢ | ᠪᠠᠶᠢᠯᠠ᠃ | ᠡᠳᠡᠭᠡᠷ ᠠᠴᠠ ᠭᠠᠳᠠᠨᠠ᠂ ᠵᠤᠬᠢᠶᠠᠭᠳᠠᠭᠰᠠᠨ ᠤᠨ ᠴᠠᠭ ᠢ ᠨᠢ ᠲᠤᠳᠤᠷᠬᠠᠢᠢᠯᠠᠵᠤ ᠲᠡᠶᠢᠯᠦᠭᠡ ᠦᠭᠡᠢ ᠪᠠᠰᠠ ᠨᠢᠭᠡ ᠬᠦᠷᠡᠯ ᠵᠠᠭᠠᠨ ᠪᠠᠶᠢᠳᠠᠭ᠃ ᠡᠨᠡ ᠬᠦ ︽ | ᠵᠠᠭᠠᠨ ᠬᠡᠯᠪᠡᠷᠢᠳᠤ ᠠᠷᠢᠬᠢ ᠠᠭᠤᠯᠬᠤ ᠰᠠᠪᠠ︾ ︵ᠵᠢᠷᠤᠭ ᠲᠠᠪᠤ︶ ᠶᠢ 1973 ᠤᠨ ᠤ ᠬᠤᠪᠧᠢ ᠮᠤᠵᠢ ᠶᠢᠨ ᠬᠤᠸᠠᠩ ᠭᠠᠨᠭ᠌ ᠬᠤᠳᠠ ᠠᠴᠠ ᠮᠠᠯᠳᠠᠨ ᠭᠠᠷᠭᠠᠵᠤ᠂ | ᠤᠳᠤ ᠬᠤᠪᠧᠢ ᠮᠤᠵᠢ ᠶᠢᠨ ᠮᠦᠽᠧᠢ ᠳᠤ ᠬᠤᠷᠢᠶᠠᠵᠤ ᠪᠠᠶᠢᠨᠠ᠃ ᠵᠠᠭᠠᠨ ᠬᠡᠯᠪᠡᠷᠢᠳᠤ ᠠᠷᠢᠬᠢ ᠠᠭᠤᠯᠬᠤ ᠰᠠᠪᠠ ᠶᠢᠨ ᠦᠨᠳᠦᠷ ᠨᠢ 29.4 ᠰᠠᠨᠲ᠋ᠢᠮᠧᠲᠷ᠂ | ᠤᠷᠳᠤ ᠨᠢ 29 ᠰᠡᠨᠲ᠋ᠢᠮᠧᠲᠷ᠂ ᠪᠠᠶᠠᠷ ᠬᠦᠷ ᠲᠠᠢ ᠪᠠᠷ ᠬᠦᠶᠦᠵᠤ ᠪᠠᠶᠢᠭᠠ ᠲᠤᠮᠤ ᠵᠠᠭᠠᠨ ᠤ ᠬᠡᠯᠪᠡᠷᠢ ᠲᠠᠢ᠃ ᠵᠠᠭᠠᠨ ᠬᠠᠮᠠᠷ ᠢᠶᠠᠨ ᠦᠨᠳᠦᠷ ᠡᠷᠬᠦᠵᠤ᠂ ᠲᠡᠪᠢᠬᠦᠷ | ᠬᠡᠯᠪᠡᠷᠢᠳᠤ ᠲᠤᠮᠤ ᠴᠢᠬᠢ ᠪᠠᠨ ᠬᠤᠶᠠᠷ ᠲᠡᠶᠢᠰᠢ ᠪᠠᠨ ᠲᠡᠯᠭᠡᠵᠤ᠂ ᠪᠡᠶᠡ ᠳᠡᠭᠡᠨ ᠦᠡᠭᠭᠡᠳᠦ ᠲᠤᠷᠳᠤᠩ ᠵᠡᠭᠦᠵᠡᠢ᠃ ᠨᠢᠷᠤᠭᠤᠨ ᠳᠠᠬᠢ ᠪᠦᠭᠡᠷᠡᠩᠭᠡᠢ ᠪᠠᠭᠠᠨᠠ | ᠬᠡᠯᠪᠡᠷᠢᠳᠤ ᠠᠮᠠᠰᠠᠷ ᠢᠶᠠᠷ ᠨᠢ ᠤᠰᠤ ᠠᠷᠢᠬᠢ ᠴᠢᠳᠬᠤᠵᠤ᠂ ᠵᠠᠭᠠᠨ ᠤ ᠬᠠᠮᠠᠷ ᠢᠶᠠᠷ ᠤᠷᠤᠰᠤᠨ ᠭᠠᠷᠭᠠᠳᠠᠭ᠃ ᠵᠠᠭᠠᠨ ᠤ ᠲᠤᠯᠤᠭᠠᠢ ᠲᠡᠭᠡᠷᠡ ᠭᠠᠷ ᠲᠠᠭᠠᠨ ᠶᠠᠭᠤᠮᠠ | ᠪᠠᠷᠢᠵᠤ᠂ ᠰᠡᠨᠵᠢ ᠶᠢ ᠲᠦᠰᠢᠵᠤ ᠵᠤᠭᠰᠤᠭᠰᠠᠨ ᠬᠦᠷᠡᠯ ᠬᠦᠮᠦᠨ ᠪᠤᠢ᠂ ᠬᠠᠷᠢ ᠬᠦᠷᠦᠨ ᠤ ᠬᠦᠮᠦᠨ ᠤ ᠪᠠᠶᠢᠳᠠᠯ ᠲᠠᠢ᠂ ᠡᠨᠡ ᠨᠢ ᠡᠷᠳᠡᠨ ᠤ ᠲᠤᠮᠳᠠᠳᠤ ᠤᠯᠤᠰ ᠤᠨ | ᠰᠤᠶᠤᠯ ᠪᠤᠯᠪᠠᠰᠤᠨ ᠬᠢᠭᠡᠳ ᠭᠠᠳᠠᠭᠠᠳᠤ ᠶᠢᠨ ᠰᠤᠶᠤᠯ ᠤᠨ ᠠᠭᠤᠰᠤᠯᠴᠠᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | | |