| | ᠲ᠊᠂ ᠬᠠᠰᠴᠢᠯᠠᠭᠤ | ᠬᠤᠶᠠᠷ᠂ ᠪᠠᠶᠢᠭᠠᠯᠢ ᠭᠠᠵᠡᠷ ᠵᠦᠢ ᠶᠢᠨ ᠤᠨᠴᠠᠯᠢᠭ | ᠳ᠋ᠦᠩᠱᠧᠩ ᠤᠨ ᠨᠤᠳᠤᠭ ᠲᠡᠪᠢᠰᠬᠡᠷ ᠨᠢ ᠵᠡᠬᠦᠨᠰᠢ ᠪᠠᠷᠠᠭᠤᠰᠢ ᠤᠷᠳᠤ᠂ ᠡᠮᠦᠨᠡᠰᠢ ᠬᠤᠶᠢᠰᠢ ᠪᠠᠨ ᠢᠪᠴᠦᠦ ᠤᠷᠳᠤᠯᠵᠢᠨ ᠬᠡᠯᠪᠡᠷᠢᠳᠠᠢ ᠪᠠᠶᠢᠳᠠᠭ᠃ | ᠪᠠᠷᠠᠭᠤᠨ ᠢᠶᠠᠨ ᠦᠨᠳᠦᠷ᠂ ᠵᠡᠬᠦᠨ ᠢᠶᠠᠨ ᠪᠤᠭᠤᠨᠢ ᠪᠠᠶᠢᠵᠤ᠂ ᠪᠠᠷᠠᠭᠤᠨ ᠬᠡᠰᠡᠭ ᠤᠨ ᠭᠠᠵᠡᠷ ᠤᠨ ᠭᠠᠳᠠᠷᠭᠤ ᠨᠢ ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 1367 — | 1615 ᠮᠧᠲᠷ ᠡᠷᠬᠦᠭᠳᠡᠵᠤ᠂ ᠭᠠᠵᠡᠷ ᠤᠨ ᠪᠠᠶᠢᠴᠠ ᠨᠢ ᠲᠡᠭᠰᠢᠬᠡᠨ ᠮᠦᠷᠳᠡᠬᠡᠨ ᠪᠠᠷᠠᠭᠤᠨ᠂ ᠬᠤᠶᠢᠨᠠ᠂ ᠵᠡᠬᠦᠨ ᠭᠤᠷᠪᠡᠨ ᠲᠠᠯᠠ ᠪᠠᠷ ᠢᠶᠠᠨ ᠪᠠᠭ᠋ᠠᠨ ᠦᠨᠳᠦᠷ᠂ | ᠲᠤᠮᠳᠠ ᠡᠮᠦᠨᠡ ᠬᠡᠰᠡᠭ ᠢᠶᠠᠷ ᠢᠶᠠᠨ ᠨᠠᠮ ᠰᠢᠭ᠋ ᠪᠤᠯᠬᠤᠷ ᠬᠤᠳᠤᠭᠤᠷ ᠭᠠᠵᠡᠷ ᠤᠨ ᠮᠠᠶ᠋ᠢᠭᠳᠠᠢ ᠪᠠᠶᠢᠳᠠᠭ᠃ ᠪᠠᠷᠠᠭᠤᠨ ᠬᠡᠰᠡᠭ ᠤᠨ ᠭᠠᠵᠡᠷ ᠲᠤ ᠨᠢ ᠡᠯᠡᠰᠤ ᠮᠠᠩᠬᠠ᠂ | ᠰᠢᠯᠢ ᠴᠠᠶᠢᠳᠠᠮ᠂ ᠲᠦᠬᠦᠮ ᠬᠤᠳᠤᠭᠤᠷ ᠤᠷᠤᠢ ᠲᠤᠪᠤ᠂ ᠨᠠᠭᠤᠷ ᠪᠦᠷᠢᠳᠤ᠂ ᠭᠤᠤᠯ ᠭᠤᠷᠤᠬᠠ ᠦᠷᠬᠦᠯᠵᠢᠯᠡᠵᠤ᠂ ᠵᠡᠬᠦᠨ ᠬᠡᠰᠡᠭ ᠤᠨ ᠭᠠᠵᠡᠷ ᠤᠨ ᠭᠠᠳᠠᠷᠭᠤ ᠨᠢ | ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 1269 — 1584.6 ᠮᠧᠲᠷ ᠦᠨᠳᠦᠷ ᠡᠷᠬᠦᠭᠳᠡᠵᠤ᠂ ᠬᠠᠷᠢᠴᠠᠩᠭᠤᠢ ᠦᠨᠳᠦᠷ ᠤᠨ ᠵᠦᠷᠢᠶᠠ ᠨᠢ 30 — 70 ᠮᠧᠲᠷ | ᠪᠠᠶᠢᠵᠤ᠂ ᠭᠠᠵᠡᠷ ᠤᠨ ᠪᠠᠶᠢᠴᠠ ᠨᠢ ᠠᠭᠤᠯᠠ ᠲᠤᠪᠤᠳ ᠨᠢ ᠡᠭᠴᠡ᠂ ᠭᠤᠤ ᠵᠢᠯᠠᠭᠠ ᠠᠷᠪᠢᠨ ᠪᠦᠬᠡᠳ ᠡᠷᠦᠢ ᠬᠤᠷᠤᠢ ᠦᠭᠡᠢ᠂ ᠬᠦᠷᠦᠰᠦ ᠰᠢᠷᠤᠢ ᠶᠢᠨ ᠢᠳᠡᠭᠳᠡᠯ | ᠬᠦᠨᠳᠦ ᠰᠦᠷᠡᠬᠡᠢ ᠪᠠᠶᠢᠵᠤ᠂ ᠰᠢᠯᠢᠷᠬᠡᠭ ᠭᠠᠵᠡᠷ ᠪᠤᠶᠤ ᠠᠭᠤᠯᠠ ᠵᠢᠯᠠᠭᠠ ᠲᠤᠯᠤᠭᠠᠢ ᠲᠤᠪᠤᠳ ᠠᠷᠪᠢᠨ ᠪᠠᠶᠢᠳᠠᠭ᠃ ᠵᠡᠬᠦᠨ ᠪᠠᠷᠠᠭᠤᠨ ᠬᠡᠰᠡᠭ ᠭᠠᠵᠡᠷ ᠤᠨ ᠠᠭᠤᠷ | ᠠᠮᠢᠰᠬᠤᠯ ᠨᠢ ᠲᠡᠮᠡᠢ ᠶᠡᠭᠡ ᠵᠦᠷᠢᠶᠠ ᠦᠬᠡᠢ ᠪᠦᠬᠡᠳ ᠪᠦᠷ ᠡᠬᠡ ᠬᠠᠭᠤᠷᠠᠢ ᠶᠢᠨ ᠴᠢᠨᠠᠷᠳᠠᠢ ᠤᠯᠠᠷᠢᠯ ᠤᠨ ᠰᠠᠯᠬᠢᠨ ᠤ ᠠᠭᠤᠷ ᠠᠮᠢᠰᠬᠤᠯ ᠳᠤ ᠪᠠᠭᠳᠠᠵᠤ᠂ ᠡᠪᠤᠯ | ᠤᠷᠳᠤ᠂ ᠵᠤᠨ ᠤᠬᠤᠷ᠂ ᠲᠦᠷᠪᠡᠨ ᠤᠯᠠᠷᠢᠯ ᠨᠢ ᠢᠯᠡᠷᠬᠡᠢ ᠪᠠᠶᠢᠳᠠᠭ᠃ ᠵᠢᠯ ᠤᠨ ᠲᠤᠮᠳᠠᠴᠢ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠠ ᠨᠢ 21 ᠭᠷᠠᠳᠦ᠋ᠰ ᠤᠷᠴᠢᠮ ᠪᠠᠶᠢᠵᠤ᠂ ᠵᠤᠨ | ᠤ ᠴᠠᠭ ᠲᠤ ᠰᠡᠯᠡᠬᠦᠴᠡᠬᠦ ᠳᠤ ᠮᠠᠰᠢ ᠲᠤᠬᠢᠷᠠᠭᠰᠠᠨ ᠪᠠᠶᠢᠳᠠᠭ᠃ ᠵᠢᠯ ᠤᠨ ᠲᠤᠨᠤᠳᠠᠰᠤᠨ ᠤ ᠬᠡᠮᠵᠢᠶᠡ ᠨᠢ 325 — 400 ᠮᠢᠯᠢᠮᠧᠲᠷ ᠤᠷᠴᠢᠮ ᠪᠠᠶᠢᠵᠤ᠂ | ᠵᠠᠷᠢᠮ ᠵᠢᠯ ᠳᠤ ᠬᠡᠮᠵᠢᠶᠡ ᠨᠢ ᠦᠨᠳᠦᠷ ᠪᠤᠯᠳᠠᠭ᠃ ᠬᠤᠷᠠ ᠪᠤᠷᠤᠭᠠᠨ ᠨᠢ 7 — 8 ᠰᠠᠷᠠ ᠳᠤ ᠲᠦᠪᠯᠡᠷᠡᠵᠤ ᠰᠢᠷᠦᠬᠦᠨ ᠪᠤᠷᠤᠭᠠᠨ ᠶᠡᠭᠡ ᠪᠠᠷ ᠤᠷᠤᠪᠠᠯ ᠵᠡᠬᠦᠨ | ᠬᠡᠰᠡᠭ ᠨᠢ ᠦᠶᠡᠷᠯᠡᠬᠦ ᠪᠤᠶᠤ ᠪᠠᠷᠠᠭᠤᠨ ᠬᠡᠰᠡᠭ ᠨᠢ ᠤᠰᠤᠳᠤᠬᠤ ᠦᠵᠡᠭᠳᠡᠯ ᠭᠠᠷᠳᠠᠭ᠃ ᠡᠪᠦᠯ ᠨᠢ ᠭᠠᠩ ᠬᠠᠭᠤᠷᠠᠢ ᠪᠦᠬᠡᠳ ᠴᠠᠰᠤᠨ ᠵᠤᠳ ᠲᠤᠩ ᠴᠦᠬᠡᠨ | ᠲᠤᠬᠢᠶᠠᠯᠳᠤᠳᠠᠭ ᠪᠦᠬᠡᠳ ᠬᠠᠪᠤᠷ ᠨᠠᠮᠦᠷ ᠨᠢ ᠰᠠᠯᠬᠢ ᠶᠡᠬᠡᠳᠠᠢ ᠪᠠᠶᠢᠳᠠᠭ᠃ ᠳ᠋ᠦᠩᠱᠧᠩ ᠳᠤ ᠤᠨᠳᠤᠷᠤᠮᠠᠯ ᠭᠤᠤᠯ ᠬᠡᠵᠤ ᠪᠠᠶᠢᠳᠠᠭ ᠦᠬᠡᠢ᠃ ᠨᠡᠯᠢᠶᠡᠳ ᠶᠡᠭᠡ ᠰᠢᠭ | ᠭᠤᠤᠯ ᠮᠦᠷᠡᠨ ᠬᠡᠪᠡᠯ᠂ ᠰᠢᠳᠤᠷᠭᠤ ᠶᠢᠨ ᠭᠤᠤᠯ᠂ ᠬᠠᠨᠳᠠᠢ ᠶᠢᠨ ᠭᠤᠤᠯ᠂ ᠬᠠᠰᠢᠯᠭᠠ ᠶᠢᠨ ᠭᠤᠤᠯ᠂ ᠲᠦᠩ ᠵᠢᠶᠠᠩ ᠤᠨ ᠭᠤᠤᠯ ︵ᠬᠦᠨᠳᠡᠯᠡᠨ ᠭᠤᠤᠯ︶᠂ | ᠰᠠᠶᠢᠨ ᠲᠠᠶᠢᠵᠢ ᠭᠤᠤᠯ᠂ ᠠᠪᠠᠭ᠋ᠠᠢ ᠭᠤᠤᠯ᠂ ᠵᠢᠯᠤᠭᠤᠴᠢᠨ ᠭᠤᠤᠯ᠂ ᠵᠠᠭᠠᠷᠠᠭ ᠤᠨ ᠭᠤᠤᠯ᠂ ᠤᠷᠳᠤ ᠭᠤᠤᠯ ᠵᠡᠷᠬᠡ ᠪᠠᠶᠢᠵᠠᠢ᠃ ᠡᠳᠡᠬᠡᠷ ᠭᠤᠤᠯ ᠤᠳ ᠨᠢ | ᠤᠷᠤᠰᠴᠦ ᠪᠠᠶᠢᠬᠤ ᠦᠶᠡ ᠳᠤ ᠪᠠᠨ ᠵᠢᠯ ᠪᠦᠷᠢ ᠶᠢᠨ ᠲᠤᠮᠳᠠᠴᠢᠯᠠᠭᠰᠠᠨ ᠤᠷᠤᠰᠤᠯᠳᠠ ᠨᠢ 66463 ᠲᠦᠮᠡᠨ ᠪᠤᠰᠤᠭᠠ ᠲᠦᠷᠪᠡᠯᠵᠢᠨ ᠮᠧᠲᠷ ᠲᠤ ᠬᠦᠷᠴᠦ | ᠪᠠᠶᠢᠵᠠᠢ᠃ ᠨᠡᠯᠢᠶᠡᠳ ᠶᠡᠭᠡ ᠬᠤᠷᠠᠮᠠᠭ ᠤᠰᠤ ᠬᠡᠪᠡᠯ᠂ ᠲᠤᠭᠤᠷᠢᠮ ᠤᠨ ᠨᠠᠭᠤᠷ ︵ᠪᠤᠷᠵᠠᠩ ᠨᠠᠭᠤᠷ︶ ᠾᠸᠦ ᠵᠢᠶᠠ ᠬᠠᠢ ᠽᠢ ᠨᠠᠭᠤᠷ ᠪᠤᠯᠤᠨ ᠰᠠᠶᠢᠨ ᠲᠠᠶᠢᠵᠢ᠂ | ᠴᠠᠶᠢᠳᠠᠮ᠂ ᠤᠷᠳᠤ ᠭᠤᠤᠯ᠂ ᠵᠤᠤᠬᠠ ᠶᠢᠨ ᠬᠤᠭᠤᠯᠠᠢ ᠳᠤ ᠬᠢ ᠲᠤᠮᠳᠠ ᠪᠠᠭᠠ ᠬᠡᠯᠪᠡᠷᠢ ᠶᠢᠨ ᠴᠦᠬᠦᠷᠦᠮ ᠪᠠᠶᠢᠵᠤ᠂ ᠤᠰᠤᠨ ᠭᠠᠳᠠᠷᠭᠤ ᠶᠢᠨ ᠶᠡᠷᠦᠩᠬᠡᠢ | ᠲᠠᠯᠠᠪᠠᠢ ᠨᠢ 1209 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠪᠠᠶᠢᠵᠠᠢ᠃ ᠭᠠᠵᠡᠷ ᠲᠤᠤᠷᠠᠬᠢ ᠤᠰᠤᠨ ᠤ ᠰᠤᠷᠪᠤᠯᠵᠢ ᠨᠢ ᠭᠤᠤᠯᠳᠠᠭᠤ ᠠᠭᠠᠷ ᠮᠠᠨᠳᠠᠯ ᠤᠨ ᠬᠤᠷᠠ | ᠲᠤᠨᠤᠳᠠᠰᠤᠨ ᠠᠴᠠ ᠨᠦᠬᠦᠪᠦᠷᠢᠯᠡᠭᠳᠡᠳᠡᠭ ᠪᠤᠯᠬᠤᠷ ᠲᠠᠷᠤᠰᠢᠮᠠᠯ ᠤᠰᠤ ᠪᠠᠷ ᠨᠡᠯᠢᠶᠡᠳ ᠲᠤᠳᠠᠮᠠᠭ ᠮᠦᠷᠳᠡᠬᠡᠨ ᠭᠠᠵᠡᠷ ᠲᠤᠤᠷᠠᠬᠢ ᠤᠰᠤᠨ ᠤ ᠲᠦᠪᠰᠢᠨ ᠨᠡᠯᠢᠶᠡᠳ | ᠲᠤᠤᠷᠠ᠂ ᠳ᠋ᠦᠩᠱᠧᠩ ᠤᠨ ᠭᠠᠵᠡᠷ ᠤᠨ ᠲᠤᠭᠳᠠᠴᠠ ᠨᠢ ᠰᠢᠨᠠ ᠬᠤᠸᠠᠰᠢᠶᠠ ᠶᠢᠨ ᠰᠢᠰᠲ᠋ᠧᠮ ᠤᠨ ᠡᠬᠡ ᠭᠠᠵᠡᠷ ᠤᠨ ᠬᠤᠳᠤᠭᠤᠷ ᠲᠤ ᠲᠤᠭᠠᠴᠢᠭᠳᠠᠵᠤ᠂ ᠤᠷᠤᠨ | ᠲᠤᠭᠤᠷᠢᠭ ᠤᠨ ᠭᠠᠵᠡᠷ ᠤᠨ ᠲᠠᠪᠬᠤᠷᠭᠠ ᠨᠢ ᠤᠮᠠᠷᠠᠳᠤ ᠤᠷᠤᠨ ᠤ ᠡᠬᠡ ᠭᠠᠵᠡᠷ ᠤᠨ ᠡᠷᠬᠢᠳᠤ ᠦᠨᠳᠦᠷᠯᠢᠭ ᠤᠨ ᠨᠢᠬᠡᠨ ᠬᠡᠰᠡᠭ ᠪᠤᠯᠤᠨᠠ᠃ ᠭᠠᠵᠡᠷ ᠤᠨ | ᠲᠠᠪᠬᠤᠷᠭᠠ ᠶᠢᠨ ᠢᠷᠤᠭᠠᠷ ᠨᠢ ᠵᠧᠨ᠋ᠳᠠᠨ ᠤ ᠭᠠᠯᠪᠠ ᠠᠴᠠ ᠤᠷᠢᠳᠠᠬᠢ ᠬᠤᠪᠢᠷᠠᠮᠠᠯ ᠴᠢᠯᠠᠭᠤᠯᠢᠭ ᠤᠨ ᠲᠠᠪᠬᠤᠷᠭᠠ ᠶᠢᠨ ᠰᠢᠰᠲ᠋ᠧᠮ ᠪᠠᠶᠢᠵᠤ᠂ ᠭᠠᠵᠡᠷ ᠤᠨ ᠭᠠᠳᠠᠷᠭᠤ | ᠲᠡᠬᠡᠷᠡ ᠴᠤᠬᠤᠶᠢᠨ ᠭᠠᠷᠤᠭᠰᠠᠨ ᠲᠠᠪᠬᠤᠷᠭᠠ ᠨᠢ ᠴᠠᠷᠳᠠ ᠶᠢᠨ ᠰᠢᠰᠲ᠋ᠧᠮ᠂ ᠵᠦᠷᠠ ᠶᠢᠨ ᠰᠢᠰᠲ᠋ᠧᠮ ᠤᠨ ᠲᠤᠨᠤᠮᠠᠯ ᠴᠢᠯᠠᠭᠤᠯᠢᠭ ᠢᠶᠠᠷ ᠪᠦᠷᠢᠯᠳᠦᠵᠤ᠂ ᠬᠦᠷᠦᠰᠦ | ᠰᠢᠷᠤᠢ ᠨᠢ ᠬᠦᠷᠡᠩ ᠺᠠᠯᠼᠯᠢᠭ ᠬᠦᠷᠦᠰᠦ ᠪᠠᠷ ᠭᠤᠤᠯᠯᠠᠵᠤ᠂ ᠪᠠᠰᠠ ᠴᠢᠬᠢᠭᠯᠢᠭ ᠬᠦᠷᠦᠰᠤ᠂ ᠡᠯᠡᠰᠦᠷᠬᠡᠭ ᠬᠦᠷᠦᠰᠦ᠂ ᠪᠠᠶᠡᠳᠤ ᠬᠦᠷᠦᠰᠤ᠂ ᠨᠠᠮᠤᠭ ᠬᠦᠷᠦᠰᠦ | ᠲᠠᠷᠬᠠᠵᠤ ᠪᠠᠶᠢᠳᠠᠭ᠃ ᠪᠠᠶᠢᠭᠠᠯᠢ ᠶᠢᠨ ᠤᠷᠭᠤᠮᠠᠯ ᠤᠨ ᠬᠦᠷᠦᠰᠦ ᠨᠢ ᠰᠡᠶᠢᠷᠡᠭ ᠪᠠᠶᠢᠵᠤ᠂ ᠤᠷᠭᠤᠮᠠᠯ ᠤᠨ ᠲᠤᠳᠤᠷᠠ ᠦᠶᠡᠳᠤ ᠤᠷᠭᠤᠮᠠᠯ ᠭᠤᠤᠯᠯᠠᠵᠤ᠂ ᠤᠳᠪᠡᠯᠡ | ᠶᠢᠨ ᠢᠵᠡᠭᠤᠷ᠂ ᠪᠤᠷᠴᠠᠭ ᠤᠨ ᠢᠵᠠᠭᠤᠷ ᠲᠠᠳ᠋ᠯᠡᠳᠡᠭ᠃ ᠲᠤᠪᠤ ᠲᠡᠨᠵᠢ᠂ ᠰᠢᠯᠢᠷᠬᠡᠭ ᠭᠠᠵᠡᠷ ᠲᠤ ᠨᠢ ᠬᠢᠯᠠᠭᠠᠨᠠ᠂ ᠬᠦᠵᠢ ᠡᠪᠡᠰᠦ᠂ ᠪᠦᠬᠡ ᠡᠪᠡᠰᠦ᠂ ᠦᠷᠢ ᠶᠢᠨ | ᠰᠡᠬᠦᠯ᠂ ᠵᠢᠬᠢ᠂ ᠬᠠᠵᠠᠭᠠᠷ ᠡᠪᠡᠰᠤ ᠭᠤᠤᠯᠯᠠᠵᠤ᠂ ᠪᠠᠯᠠᠷ ᠮᠠᠩᠬᠠᠨ ᠭᠠᠵᠡᠷ ᠲᠤ ᠨᠢ ᠰᠢᠪᠠᠭ᠂ ᠪᠤᠷᠭᠠᠰᠤ ᠴᠤᠯᠢᠬᠢᠷ᠂ ᠲᠠᠯᠠᠨ ᠲᠦᠷᠦᠬᠦᠦ᠂ ᠬᠠᠮᠬᠤᠤᠯ ᠵᠡᠷᠬᠡ ᠠᠷᠪᠢᠨ | ᠤᠷᠭᠤᠵᠤ᠂ ᠨᠠᠮᠤᠭ ᠴᠠᠶᠢᠳᠠᠮ ᠭᠠᠵᠡᠷ ᠲᠤ ᠨᠢ ᠬᠡᠴᠢ ᠡᠪᠡᠰᠦ᠂ ᠲᠠᠷᠠᠰᠤ ᠬᠤᠯᠤᠰᠤ᠂ ᠰᠢᠷᠠ ᠬᠢᠶᠠᠭ᠂ ᠲᠠᠤᠯᠡᠢ ᠶᠢᠨ ᠲᠠᠩᠨᠠᠢ᠂ ᠰᠦᠰᠦ ᠡᠪᠡᠰᠤ ᠵᠡᠷᠬᠡ ᠭᠤᠤᠯ | ᠤᠷᠭᠤᠵᠤ᠂ ᠬᠦᠨᠳᠠᠢ ᠵᠢᠯᠠᠭᠠ ᠭᠠᠵᠡᠷ ᠲᠤ ᠨᠢ ᠮᠤᠳᠤ᠂ ᠴᠢᠴᠠᠷᠭᠠᠨᠠ ᠤᠷᠭᠤᠵᠤ ᠪᠠᠶᠢᠳᠠᠭ᠃ ᠤᠷᠴᠢᠮ ᠤᠨ ᠵᠢᠯ ᠤᠳ ᠲᠤ ᠮᠠᠯ ᠢ ᠤᠰᠠᠳᠬᠠᠵᠤ᠂ ᠲᠠᠷᠢᠬᠤ ᠶᠢ | ᠵᠤᠭᠰᠤᠭᠠᠨ᠂ ᠬᠦᠮᠦᠨ ᠤ ᠬᠦᠴᠦᠨ ᠢᠶᠠᠷ ᠤᠶᠢᠵᠢᠭᠤᠯᠬᠤ ᠶᠢ ᠴᠢᠬᠤᠯᠠᠴᠢᠯᠠᠭᠰᠠᠨ ᠠᠴᠠ ᠬᠦᠷᠦᠰᠤ ᠰᠢᠷᠤᠢ ᠶᠢᠨ ᠪᠦᠷᠬᠦᠴᠡ ᠪᠤᠯᠤᠨ ᠤᠢ ᠰᠢᠭᠤᠢ ᠶᠢᠨ ᠪᠦᠷᠬᠦᠴᠡ | ᠡᠳᠦᠷ ᠢᠷᠡᠬᠦᠶᠡ ᠰᠠᠶᠢᠵᠢᠷᠠᠬᠤ ᠪᠤᠯᠵᠠᠢ᠃ ᠳ᠋ᠦᠩᠱᠧᠩ ᠤᠨ ᠭᠠᠵᠡᠷ ᠲᠤᠤᠷᠠᠬᠢ ᠡᠳ᠋ ᠠᠭᠤᠷᠰᠤᠨ ᠳᠤ ᠨᠡᠬᠦᠷᠡᠰᠤ ᠭᠤᠤᠯᠯᠠᠵᠤ ᠪᠠᠶᠢᠳᠠᠭ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ | ᠲᠤᠰᠤᠳᠤ ᠴᠢᠯᠠᠭᠤᠯᠢᠭ᠂ ᠪᠠᠶᠢᠭᠠᠯᠢ ᠶᠢᠨ ᠰᠢᠳᠠᠮᠠᠬᠠᠢ ᠬᠡᠢ᠂ ᠴᠤᠬᠤᠢ ᠶᠢᠨ ᠴᠢᠯᠠᠭᠤ᠂ ᠨᠠᠩᠬᠢ ᠰᠢᠷᠤᠢ᠂ ᠲᠡᠮᠦᠷ ᠤᠨ ᠰᠢᠷᠠ ᠬᠦᠳᠡᠷ᠂ ᠦᠬᠡᠬᠦᠨ ᠴᠢᠯᠠᠭᠤᠨ ᠬᠠᠶᠢᠷ | ᠵᠡᠷᠬᠡ ᠪᠤᠯᠠᠭᠳᠠᠴᠠ ᠪᠠᠶᠢᠳᠠᠭ᠃ |